Прэзентацыя Гродзенскага дзяржаўнага ўніверсітэта імя Янкі Купалы прыцягнула ўвагу школьнікаў і іх бацькоў, для якіх падрыхтавалі шырокую праграму. Яна дазволіла даведацца ўсю патрэбную інфармацыю для паступлення ва ўніверсітэт, а таксама прадэманстравала, як жывуць рабяты ў Купалаўскай сям'і.У праграме былі праца фотазоны #ГрДУ#, урачыстае адкрыццё мерапрыемства, канцэртная праграма "Будзь з намі!", латарэя "Удача з ГрДУ", і, вядома, інтэрактыўныя прэзентацыі факультэтаў. У гасцей прафарыентацыйнага мерапрыемства была ўнікальная магчымасць паразмаўляць з рэктарам Ірынай Кітуркай, якая падзяліла з усімі гэты займальны дзень.
Факультэты грунтоўна падрыхтаваліся - на кожнай пляцоўцы дзяцей і іх бацькоў чакала займальная прэзентацыя. Купалаўцы з вялікім задавальненнем адказвалі на ўсе пытанні!
Важнай часткай прэзентацыйнага дня стаў спецыяльны выпуск універсітэцкай газеты, які быў поўнасцю прысвечаны інфармацыі, карыснай абітурыенту.
