На нарадзе Міністра адукацыі з распрацоўшчыкамі праекта новай версіі Агульнадзяржаўнага класіфікатара Рэспублікі Беларусь "Спецыяльнасці і кваліфікацыі" рэктары ВНУ і Дэпартамента кантролю якасці адукацыі разгледзелі пытанні арганізацыі мерапрыемстваў па ўкараненні новай версіі Класіфікатара ў дзейнасць устаноў вышэйшай адукацыі.

Дзейнасць па пераглядзе і перапраектаванні класіфікатара ажыццяўлялася паэтапна. На першапачатковым этапе была праведзена работа па аптымізацыі структуры магістарскай падрыхтоўкі ў мэтах забеспячэння арыентацыі вышэйшай адукацыі II ступені (магістратуры) на патрэбнасці навукова-інавацыйнай сферы, павышэння эфектыўнасці і якасці магістарскай падрыхтоўкі, уключэння магістратуры ў інтэграванае адукацыйнае, навукова-даследчае і прадпрымальніцкае асяроддзе ў рамках канцэпцыі "Універсітэт 3.0".

Акрамя таго, у Міністэрстве адукацыі адбылося першае пасяджэнне Каардынацыйнага савета па развіцці гістарычнай навукі і адукацыі. У яго склад увайшлі кіраўнікі ведамства, падпарадкаваных арганізацый, рэктары ўніверсітэтаў, прадстаўнікі Нацыянальнай акадэміі навук, Палаты прадстаўнікоў Нацыянальнага сходу, дэканы гістарычных факультэтаў.

Каардынацыйны савет па развіцці гістарычнай навукі і адукацыі створаны з мэтай выпрацоўкі прапаноў і рэкамендацый па пытаннях развіцця гістарычнай навукі і адукацыі, у тым ліку для рэалізацыі палажэнняў Кодэкса аб адукацыі, праграмы патрыятычнага выхавання насельніцтва, рашэнняў Рэспубліканскага савета па гістарычнай палітыцы.

На пасяджэнні савета былі разгледжаны пытанні экспертызы навучальных праграм УВА па сацыяльна гуманітарных дысцыплінах, падручніка па гісторыі Беларусі для ўстаноў агульнай сярэдняй адукацыі і іншыя тэмы.