З 28 сакавіка па 1 красавіка 2022 года адбудзецца заключны тур рэспубліканскай алімпіяды па навучальных прадметах. Гродна прыме ўдзельнікаў алімпіяд па фізіцы, матэматыцы, інфарматыцы і астраноміі.

У рамках абласнога адукацыйнага кластара практычны тур алімпіяды па інфарматыцы адбудзецца на базе Гродзенскага дзяржаўнага ўніверсітэта імя Янкі Купалы.

120 лепшых школьнікаў у галіне інфарматыкі збяруцца ў новым будынку Навукова-тэхналагічнага парка Купалаўскага ўніверсітэта і будуць змагацца за перамогу ў рэспубліканскай алімпіядзе.

Жадаем удзельнікам поспехаў і ўпэўненасці ў сваіх сілах!