Ва ўрачыстым мерапрыемстве прынялі ўдзел рэктарат Гродзенскага дзяржаўнага ўніверсітэта імя Янкі Купалы і ганаровыя госці, улады рэгіёну. Да святочнага мерапрыемства далучыўся старшыня Камітэта дзяржаўнага кантролю Гродзенскай вобласці Анатоль Дарожка. Сярод гасцей – ганаровы прафесар ГрДУ імя Янкі Купалы Яўген Роўба, які займаў пасаду рэктара на працягу доўгіх гадоў і ўнёс істотны ўклад у гісторыю развіцця ўніверсітэта.

Увесь калектыў Гродзенскага дзяржаўнага ўніверсітэта імя Янкі Купалы павіншавала са святам і расказала пра поспехі, якіх дабіўся ўніверсітэт за апошні час, рэктар ГрДУ імя Янкі Купалы Ірына Кітурка:

–22 лютага для купалаўцаў асаблівая дата – гэта Дзень нараджэння ўніверсітэта. Дзень нараджэння ўстановы, якая дала шлях у жыццё сотням тысяч выпускнікоў, прафесійны рост і росквіт вялікай колькасці выкладчыкаў, супрацоўнікаў, установы, якая з'яўляецца марай для многіх абітурыентаў. Сёння наша альма-матар - сапраўдны брэнд як у рэспубліцы, так і за межамі нашай краіны.

У сваёй прамове Ірына Фёдараўна адзначыла, што на ўніверсітэт як цэнтр адукацыі і навукі рэгіёну ўскладзены сур'ёзныя абавязкі. І гэта не толькі падрыхтоўка сапраўдных прафесіяналаў, але і выхаванне асобы - самаадданага грамадзяніна і патрыёта сваёй краіны.

Рэктар падзякавала супрацоўнікам, студэнтам, калегам з іншых краін, сябрам і партнёрам, прадстаўнікам папярэдніх пакаленняў за сумесныя намаганні, якія прывялі да поспеху ўніверсітэт. Таксама яна распавяла аб стварэнні новай структуры ва ўніверсітэце - Цэнтра развіцця кар'еры, што дазволіць зрабіць альма-матар тэрыторыяй свайго бесперапыннага развіцця.

З Днём нараджэння супрацоўнікаў універсітэта павіншаваў і старшыня Камітэта дзяржаўнага кантролю Гродзенскай вобласці Анатоль Дарожка:

- За гады супрацоўніцтва з Купалаўскім універсітэтам мы паспяхова рэалізавалі шэраг сумесных праектаў, сярод якіх і ўступная кампанія, і мерапрыемствы, прысвечаныя сацыяльна-эканамічнаму развіццю краіны, Году гістарычнай памяці. Дзякуючы вашай багатай гісторыі, дружнаму калектыву і прафесарска-выкладчыцкаму складу Гродзенскі дзяржаўны ўніверсітэт імя Янкі Купалы заслужыў прызнанне не толькі ў рэгіёне, але і ва ўсёй рэспубліцы. Вы па праве з'яўляецеся адной з лепшых ВНУ нашай краіны. Сёння вы займаецеся не толькі падрыхтоўкай кадраў, але і ўкараненнем інавацыйных тэхналогій. Доказам гэтаму служыць Навукова-тэхналагічны парк, які садзейнічае развіццю многіх галін у нашым рэгіёне.

Ён падзякаваў прафесарска-выкладчыцкаму складу за прафесіяналізм, адказнасць і жаданне перадаць свой вопыт падрастаючаму пакаленню, а моладзь – за іх актыўны ўдзел у культурным і сацыяльным жыцці нашага горада і вобласці.

У сваім віншаванні першы прарэктар ГрДУ імя Янкі Купалы Юрый Раманоўскі адзначыў, што ўжо два гады Гродзенскі дзяржаўны ўніверсітэт імя Янкі Купалы паспяхова працуе ў рамках "Стратэгіі апераджальнага развіцця". Доказам гэтага з'яўляюцца дасягненні супрацоўнікаў. Юрый Яцэнтавіч пажадаў усім новых поспехаў, рэйтынгавых навуковых артыкулаў і прарыўных ідэй у навучанні і выхаванні падрастаючага пакалення.

Шчырыя віншаванні для ўсіх купалаўцаў з пажаданнямі здароўя, спакою і поспехаў гучалі са сцэны. Свой падарунак падрыхтавалі і таленавітыя студэнты Купалаўскага ўніверсітэта. Святочнае мерапрыемства, прысвечанае 82-му Дню нараджэння роднай альма-матар, яны ўпрыгожылі музычнымі нумарамі.

У час святочнага мерапрыемства адбылося ўзнагароджанне супрацоўнікаў, студэнтаў і выкладчыкаў універсітэта за высокія асабістыя дасягненні, а таксама падвядзенне вынікаў штогадовага рэйтынгу прафесарска-выкладчыцкага складу ГрДУ імя Янкі Купалы.