З 6 лютага пачала працаваць Зімовая школа рускай мовы, арганізаваная факультэтам даўніверсітэцкай падрыхтоўкі. Заняткі ў школе працягнуцца да 19 лютага. Вучыць і ўдасканальваць рускую мову ў Купалаўскі ўніверсітэт прыехалі слухачы з Германіі, Польшчы і Японіі.
Удзельнікаў школы чакаюць заняткі па рускай мове, лінгвакраіназнаўстве і лекцыі па гісторыі і культуры Беларусі. Таксама слухачы наведаюць розныя экскурсіі і наведаюць майстар-класы, дзе навучацца гатаваць стравы беларускай кухні і створаць беларускі сувенір.
– Летняя і зімовая школы ўжо сталі брэндам нашага ўніверсітэта і карыстаюцца папулярнасцю ў замежных грамадзян. У гэтым годзе заняткамі ў школе зацікавіліся замежнікі з Германіі, Польшчы Англіі, Японіі і Малайзіі, але, на жаль, з-за эпідсітуацыі не ва ўсіх атрымалася прыехаць. Нямала слухачоў вяртаюцца і другі, і пяты раз. Так, Дамінік Шчапаняк з Польшчы прыехаў ужо на трэцюю змену нашай школы, - распавяла каардынатарка Зімовай школы рускай мовы Ірына Краскоўская.
Адукацыйны праект "Зімовая школа рускай мовы" прызначаны для тых, хто пачынае вывучаць рускую мову або хоча ўдасканаліць свае моўныя веды і навыкі. Штодня ў першай палове дня слухачоў чакаюць заняткі па рускай мове з вопытнымі выкладчыкамі. Штогод арганізуе Зімовую і Летнюю школы рускай мовы кафедра моўнай падрыхтоўкі беларускіх і замежных грамадзян факультэта давузаўскай падрыхтоўкі ГрДУ імя Янкі Купалы.
