У пасяджэнні круглага стала юрыдычны факультэт Купалаўскага ўніверсітэта прадставілі дацэнт кафедры грамадзянскага права і працэсу Ірэна Кірвель, старшы выкладчык названай кафедры Барыс Балахонаў, а таксама студэнты Дзіяна Абраменка, Кацярына Прохарава, Вера Мартынава і Ягор Галавач. Удзельнікі круглага стала абазначылі тэарэтычныя аспекты маладзёжнай палітыкі і расказалі аб тым, якімі бачаць перспектывы развіцця маладзёжнай палітыкі ў кантэксце стратэгіі развіцця Рэспублікі Беларусь.

Ірэна Кірвель, адзначыла, што працэс узаемадзеяння дзяржавы і асобы не павінен быць аднабаковым. Толькі сумеснымі намаганнямі, можна пабудаваць развітае і цэласнае грамадства з моцнай дзяржавай.

Барыс Балахонаў звярнуў увагу на тое, што дзеючая цяпер дзяржаўная маладзёжная палітыка ў Рэспубліцы Беларусь з'яўляецца састаўной часткай дзяржаўнай палітыкі і мае стратэгічнае значэнне.

Дзіяна Абраменка, студэнтка 4 курса юрыдычнага факультэта, сакратар кафедры грамадзянскага права і працэсу Гродзенскага дзяржаўнага ўніверсітэта імя Янкі Купалы ў сваім выступленні акцэнтавала ўвагу на тым, што маладыя людзі – гэта рухавік грамадства і самы магутны індыкатар настрою ў грамадстве.

Ягор Галавач, студэнт 1 курса юрыдычнага факультэта Гродзенскага дзяржаўнага ўніверсітэта імя Янкі Купалы, член маладзёжнага парламента пры Нацыянальным сходзе Рэспублікі Беларусь, расказаў аб рабоце, якая праводзіцца членамі маладзёжнага парламента ў гэтым напрамку, аб важнасці канстытуцыйнай рэформы. З новаўвядзенняў, на яго думку, асаблівай увагі заслугоўвае з'яўленне артыкула, які датычыцца беларускай моладзі, дзе сказана, што наша дзяржава садзейнічае ў рэалізацыі патэнцыялу моладзі як ва ўласным удасканаленні розных якасцей, так і ў інтарэсах усяго грамадства.