Студэнтка юрыдычнага факультэта Карына Саргавіцкая ўжо праз тыдзень прадставіць наш універсітэт на XXX Міжнародным конкурсе прыгажосці і таленту "Каралева Студэнцтва" ў горадзе Стаўрапаль (Расійская Федэрацыя).Карына Саргавіцкая, Міс Універсітэт 2021 года, стала пераможцай Абласнога этапа і фіналісткай Рэспубліканскага конкурсу прыгажосці і таленту "Каралева Студэнцтва" Рэспублікі Беларусь.
У конкурсе прымуць удзел пераможцы нацыянальных конкурсаў прыгажосці вышэйшых навучальных устаноў краін СНД.
Нагадаем, што ў 2019 годзе студэнтка ГрДУ імя Янкі Купалы стала "Віцэ-Каралевай Студэнцтва". На карону і тытул "Каралева Студэнцтва" прэтэндавалі 16 удзельніц з 12 краін - Беларусі, Расіі, Казахстана, Туркменістана, Узбекістана, Кыргызстана, Арменіі, Таджыкістана, Літвы, Каморскіх астравоў, Шры-Ланкі, Індыі. Заснавальнікамі конкурсу выступілі Расійскі саюз моладзі, Беларускі рэспубліканскі саюз моладзі і Урад Стаўрапольскага краю.
