Спікерам выступіў старшы оперупаўнаважаны па асабліва важных справах Упраўлення па наркакантролі і супрацьдзеянні гандлю людзьмі УУС аблвыканкама Генадзь Пецько.

Да сустрэчы далучыліся ў анлайн-фармаце больш за 200 купалаўцаў усіх факультэтаў універсітэта. Удзельнікі сустрэчы атрымалі актуальную прававую інфармацыю і даведаліся больш аб правапарушэннях і адказнасці за незаконнае распаўсюджванне і ўжыванне наркатычных сродкаў.

Студэнты прынялі актыўны ўдзел у гутарцы, задавалі пытанні, на якія атрымлівалі вычарпальныя адказы, заснаваныя на прыкладах практычнай дзейнасці Генадзя Пецько.

Сустрэча адбылася ў рамках супрацоўніцтва Купалаўскага ўніверсітэта і УУС Гродзенскага аблвыканкама і была ініцыяваная сацыяльна-педагагічнай і псіхалагічнай службай.