Слухачы семінараў даведаліся аб пашыраных магчымасцях лічбавай адукацыйнай платформы ўніверсітэта. З яе дапамогай можна індывідуалізаваць працэс навучання, выкарыстоўваць новыя формы і метады адукацыйнай працы: анлайн-навучанне, перавернутае і змешанае навучанне, пашыраную камунікацыю, выкананне навучальных праектаў.Падчас семінараў распрацоўшчыкі ЦУМК атрымалі нагляднае ўяўленне аб стварэнні інтэрактыўнага відэакантэнту і інтэрактыўнай кнігі на аснове элемента курса Moodle H5P. Дадаткова былі паказаны варыянты інтэграцыі знешніх адукацыйных рэсурсаў і лічбавай платформы ўніверсітэта, экспарт і імпарт тэставых заданняў і патэнцыйныя магчымасці навучальных матэрыялаў, якія распаўсюджваюцца з дапамогай пакетаў SCORM.
На працягу снежня выкладчыкі, якія сталі ўдзельнікамі дыстанцыйных навучальных семінараў, распрацуюць структуру лічбавай вучэбнай дысцыпліны і змест яе першага раздзела. Наступны анлайн семінар адбудзецца 7 снежня з мэтай падвядзення папярэдніх вынікаў, дэманстрацыі распрацаванай структуры ЦУМК, выяўлення момантаў, якія патрабуюць дапрацоўкі, змены і паляпшэння.
Далейшая работа па распрацоўцы ЦУМК арганізавана ў рэжыме індывідуальных дыстанцыйных кансультацый загадчыкам лабараторыі адукацыйных інавацый Алегам Калягам.
Дарэчы, матэрыялы семінараў (план-графік распрацоўкі ЦУМК, форум «Трэба дапамога», запісы семінараў, прэзентацыі, дэманстрацыйныя ролікі, электронны дапаможнік «Адукацыйны партал: выкладчыку і студэнтам», інструкцыі па працы з элементам курса H5P) размешчаны ў даведачным сэрвісе «Для распрацоўшчыкаў ЦУМК» на лічбавай адукацыйнай платформе ўніверсітэта emoodle.grsu.by.
Мадэратарамі семінараў выступілі Дар'я Шпак, начальнік вучэбна-метадычнага аддзела па кіраванні якасцю адукацыі, і Алег Каляга, загадчык лабараторыі адукацыйных інавацый.
