Для правядзення прэзентацыі ў Гродна прыбыла вялікая каманда, у асноўным, прадстаўнікі Смаленскага дзяржаўнага ўніверсітэта. Сярод іх - кіраўнік праекта, доктар філалагічных навук, прафесар Ларыса Паўлава, доктар філалагічных навук, прафесар, загадчык кафедры літаратуры і журналістыкі Ірына Раманава, дэкан, кандыдат філалагічных навук Валянціна Кавалёва, кандыдат філалагічных навук, дацэнт Элеанора Котава, вядучы спецыяліст літаратурнага музея Смаленскага дзяржаўнага ўніверсітэта, кандыдат гістарычных навук, дацэнт Дзям'ян Валуеў.

Студэнтам і выкладчыкам філалагічнага факультэта Гродзенскага дзяржаўнага ўніверсітэта імя Янкі Купалы было расказана аб мэце праекта і прадстаўлены асноўныя напрамкі яго рэалізацыі. У рамках праекта "Смаленск асвечаны" адбыліся шматлікія экскурсіі, прайшоў конкурс літаратурных эсэ, быў прачытаны цыкл відэа-лекцый, устаноўлены мемарыяльныя знакі, арганізавана серыя інтэлектуальных гульняў, створаны інфармацыйна-адукацыйны партал. Падчас прэзентацыі ў Купалаўскім універсітэце абмяркоўваліся магчымасці рэалізаваць такі праект сумесна прадстаўнікамі беларускага і расійскага ўніверсітэтаў.