Мерапрыемства пачалося з уступнага слова прарэктара па выхаваўчай працы Васілія Сянько, які адзначыў, што студэнты-купалаўцы ўнеслі свой уклад у фарміраванне нацыянальнага даходу і дабрабыту нашай краіны ў цэлым:

- Асноўнай перавагай студатрада з'яўляецца тое, што студэнт можа паспрабаваць сябе ў ролі працаўніка, і тады ён пачне разумець, што ад добрасумленнай працы кожнага ў калектыве залежыць агульны поспех. І гэта разуменне вельмі важна ў прафесійным і асобасным росце.

Руху студэнцкіх атрадаў Беларусі ўжо больш за 50 гадоў. Яно з'яўляецца адным з вядучых напрамкаў дзейнасці Беларускага рэспубліканскага саюза моладзі.

У гэтым годзе на працягу Трэцяга працоўнага семестра студэнты Гродзенскага дзяржаўнага ўніверсітэта імя Янкі Купалы працавалі з дзецьмі ў дзіцячых аздараўленчых лагерах як нашай краіны, так і за яе межамі. Гэтым летам аднавілася міжнароднае супрацоўніцтва, што дазволіла купалаўцам ўжо ў 8-ы раз адправіцца на бераг Чорнага мора ў г. Анапа ў складзе педагагічнага і сэрвіснага атрадаў. Таксама студэнты нашага ўніверсітэта прынялі ўдзел у праекце «Мабільныя кадры Расіі» ў рамках зводнага студэнцкага атрада ў г. Казань. Акрамя гэтага студэнты працавалі на абласной маладзёжнай будоўлі, прадпрыемствах рэгіёну, на аб'ектах роднай альма-матэр і прымалі актыўны ўдзел у прыёмнай камісіі нашага ўніверсітэта.

Падчас цырымоніі ўрачыстага закрыцця Трэцяга працоўнага семестра-2021 былі ўзнагароджаны самыя актыўныя байцы студатрадаўскага руху ўніверсітэта, а таксама ўручаны дыпломы Штабам працоўных спраў.

У гэтым годзе лепшымі былі прызнаныя Штабы факультэта псіхалогіі, факультэта фізічнай культуры, а таксама педагагічнага факультэта.

Падзячныя лісты былі ўручаны і прадстаўнікам арганізацый, якія актыўна супрацоўнічаюць з універсітэтам і дапамагаюць у працаўладкаванні студэнтаў у летні перыяд. Сярод узнагароджаных - дырэктар дзіцячага аздараўленчага лагера "Сузор'е" Ганна Кіўляк, начальнік дзіцячага аздараўленчага лагера "Купалінка" Жанна Стасевіч, дырэктар аздараўленчага лагера «Зорка Юбілейная» Ларыса Янчук і генеральны дырэктар ААТ «Гроднапрамбуд» Абдулвагаб Вагабаў.

У завяршэнне цырымоніі сваімі ўражаннямі пра працоўны семестр падзялілася камандзір сэрвіснага атрада «Пазл», студэнтка 4 курса філалагічнага факультэта Маргарыта Сяцько. Яна адзначыла, што Трэці працоўны семестр - гэта ўнікальная магчымасць набрацца неацэннага досведу, прадуктыўна правесці лета і пасябраваць з новымі людзьмі.