Удзельнічаць можна было ў чатырох намінацыях: «Мы розныя, але нас аб'ядноўвае любоў да Беларусі», «Мой город - лепшы», «Я беларус і ганаруся гэтым», «Зроблена ў Беларусі». Кожны аўтар мог даслаць фатаграфіі ва ўсе намінацыі, але ў кожнай не больш за тры фатаграфіі ад аднаго чалавека. Усе фота былі яркімі і цікавымі. На іх былі захаваныя выдатная беларуская прырода, гарадскія і сельскія пейзажы, помнікі гісторыі, былі працы, якія адлюстроўваюць здаровы лад жыцця, прадстаўнікоў розных прафесій.

Выбраць лепшыя фотапрацы журы было няпроста. Пераможцай у намінацыі «Мы розныя, але нас аб'ядноўвае любоў да Беларусі» стала студэнтка ГрДМУ Стасевіч Кацярына. Першае месца ў намінацыі «Мой горад самы лепшы» атрымала работа студэнткі ГДАУ Вольгі Фурман. Анастасія Славецкая з ГрДУ імя Янкі Купалы стала лепшай у намінацыі «Я беларус і гэтым ганаруся». Перамогу ў намінацыі «Зроблена ў Беларусі» атрымала студэнтка Купалаўскага ўніверсітэта Дзіяна Сцяпанава.

Конкурс арганізаваны Цэнтрам студэнцкіх ініцыятыў Гродзенскага дзяржаўнага ўніверсітэта імя Янкі Купалы, аддзелам падтрымкі маладзёжных праектаў і ініцыятыў Дэпартамента выхаваўчай работы з моладдзю сумесна з Беларускім рэспубліканскім саюзам моладзі і Гродзенскім дзяржаўным універсітэтам імя Янкі Купалы.