Ганаровай граматай Міністэрства адукацыі Рэспублікі Беларусь за шматгадовую плённую навукова-педагагічную дзейнасць, паспяховае кіраўніцтва навуковымі працамі студэнтаў - пераможцаў дваццаць сёмага Рэспубліканскага конкурсу навуковых работ студэнтаў - узнагароджана загадчык кафедры сучасных тэхналогій праграмавання, кандыдат фізіка-матэматычных навук, дацэнт Лада Рудзікава. Падзячнымі лістамі рэктара ГрДУ імя Янкі Купалы за эфектыўную работу па стварэнні неабходных умоў для падрыхтоўкі і паспяховага выступлення навучэнцаў у рэспубліканскіх спаборніцтвах узнагароджаны дырэктар Тэхналагічнага каледжа, кандыдат фізіка-матэматычных навук, дацэнт Андрэй Буць і дырэктар Ваўкавыскага каледжа Галіна Зялік.

Ганаровая грамата Гродзенскага дзяржаўнага ўніверсітэта імя Янкі Купалы за шматгадовую плённую працу і асабісты ўклад у падрыхтоўку высокакваліфікаваных спецыялістаў уручана загадчыку кафедры інфармацыйных сістэм і тэхналогій, кандыдату тэхнічных навук, дацэнту Юрыю Бейцюку. Ганаровай граматы Гродзенскага дзяржаўнага ўніверсітэта імя Янкі Купалы за шматгадовую і добрасумленную працу ўдастоена спецыяліст 1 катэгорыі дэканата фізіка-тэхнічнага факультэта Марына Кандрат. Граматай Гродзенскага дзяржаўнага ўніверсітэта імя Янкі Купалы за шматгадовае плённае супрацоўніцтва з факультэтам біялогіі і экалогіі і вялікі асабісты ўклад у практычную падрыхтоўку спецыялістаў біятэхналогіі ўзнагароджаны намеснік дырэктара таварыства з абмежаванай адказнасцю «Біякам» Зміцер Сянюта.

Ганаровай граматы галоўнага ўпраўлення адукацыі Гродзенскага абласнога выканаўчага камітэта за вялікі асабісты ўклад у работу з таленавітай моладдзю, выяўленне і падрыхтоўку адораных студэнтаў, прыцягненне іх да праектнай і прадпрымальніцкай дзейнасці ўдастоена дацэнт кафедры сістэмнага праграмавання і камп'ютэрнай бяспекі, кандыдат філасофскіх навук, дацэнт Алена Разава. За шматгадовую добрасумленную працу, поспехі ў вучэбна-выхаваўчай і навуковай дзейнасці, значны ўклад у падрыхтоўку высокакваліфікаваных спецыялістаў ганаровай граматай галоўнага ўпраўлення адукацыі Гродзенскага абласнога выканаўчага камітэта ўзнагароджана дацэнт кафедры ўсеагульнай і славянскай гісторыі, кандыдат гістарычных навук, дацэнт Наталля Улейчык.

Пасведчанне аб узнагароджанні трэцяй прэміяй з уручэннем нагруднага знака лаўрэата спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў падчас урачыстай цырымоніі было перададзена пераможцам Міжнароднай студэнцкай алімпіяды ў галіне інфарматыкі і праграмавання магістранту факультэта эканомікі і кіравання Віктару Адынцу і студэнту 3 курса факультэта эканомікі і кіравання Уладзілену Лакцевічу. Таксама ў ходзе цырымоніі былі ўзнагароджаны студэнты-спартсмены, прызёры чэмпіянатаў Еўропы, удзельнікі Алімпійскіх гульняў у Токіо, якія прадстаўлялі наш універсітэт на самых прэстыжных спартыўных арэнах: студэнт 3 курса факультэта фізічнай культуры, бронзавы прызёр Першынства Еўропы сярод моладзі Аляксей Алфёраў, студэнт 3 курса факультэта фізічнай культуры, сярэбраны прызёр Першынства Еўропы сярод моладзі (бокс) Яўген Кармільчик, студэнтка 4 курса факультэта фізічнай культуры, удзельнік чэмпіянату Еўропы і Летніх Алімпійскіх гульняў (гімнастыка спартыўная) Ганна Траўкова.