Курсанты ваеннага факультэта прынясуць прысягу на вернасць Радзіме падчас урачыстага мерапрыемства, якое адбудзецца 4 верасня на Кургане Славы.

У гэтым годзе ваенны факультэт ГрДУ імя Янкі Купалы прыняў 28 першакурснікаў, якія будуць навучацца па спецыяльнасцях «Тылавое забеспячэнне войскаў (харчаваннем)», «Тылавое забеспячэнне войскаў (рэчавай маёмасцю)» і «Фізічная падрыхтоўка ваеннаслужачых».

У жніўні курсанты праходзілі пачатковую прафесійную падрыхтоўку, у рамках якой для новага папаўнення былі арганізаваны заняткі па тактычнай, інжынернай, фізічнай, страявой, ваенна-медыцынскай і агнявой падрыхтоўцы. На працягу двух тыдняў першакурснікі жылі ва ўмовах намётавага мястэчка на Гожскім палігоне і асвойвалі ваеннага справа. Падчас вучэнняў курсанты ўдасканалілі навыкі ваеннага майстэрства, якія спатрэбяцца ім у будучай прафесійнай дзейнасці.

Па выніках вучэнняў юнакі атрымалі заслужаныя пагоны курсантаў. А ў бліжэйшую суботу, 4 верасня, яны прымуць ваенную прысягу на вернасць Радзіме. Урачыстае мерапрыемства пройдзе 4 верасня на Кургане Славы.