Зрабіць прышчэпку можна на базе ўніверсітэта: у ГрДУ імя Янкі Купалы рэгулярна праводзяцца выязныя вакцынацыі супрацоўнікаў. Перад прышчэпкай лекар аглядае, удакладняе наяўнасць захворванняў, якія могуць паўплываць на працяг поствакцынальнага перыяду, вымярае ціск. Супрацоўнікам, якім уводзіцца другі кампанент вакцыны, адразу ж выдаецца медыцынская даведка, на падставе якой яны могуць звярнуцца ў Гарадскую паліклініку №1 г. Гродна і аформіць сертыфікат аб поўнай вакцынацыі.

Наперадзе новы навучальны год, а значыць, самы час падумаць пра тое, каб зрабіць прышчэпку і абараніць сябе і сваіх блізкіх ад каронавіруснай інфекцыі. Чарговая вакцынацыя работнікаў Купалаўскага ўніверсітэта пройдзе 20 жніўня. Зрабіць прышчэпку можна будзе з 13.00 да 15.00 у галоўным корпусе па вул. Ажэшкі, 22, кабінет 123. 24 жніўня мабільны пункт вакцынацыі будзе працаваць з 13.00 да 15.00 у студэнцкім гарадку: медыцынскі блок інтэрната №6.