Прыём дакументаў на ўсе формы атрымання вышэйшай адукацыі на платнай аснове завяршыўся 9 жніўня. Прыёмная камісія прыняла 1313 заяў ад абітурыентаў, якія жадаюць навучацца на платнай аснове пры плане прыёму 1205 чалавекі.Падчас уступнай кампаніі 2021 года ў прыёмную камісію Гродзенскага дзяржаўнага ўніверсітэта імя Янкі Купалы было пададзена 3530 заяў пры плане набору 2328, з іх 27 - для атрымання другой вышэйшай адукацыі.
Дакументы для навучання на дзённай платнай форме атрымання адукацыі былі прынятыя ў 810 чалавек; на завочнай платнай - у 503 чалавек, з іх 307 - на завочную скарочаную форму атрымання адукацыі.
Самы вялікі конкурс сярод спецыяльнасцяў дзённай платнай формы навучання быў сфармаваны на спецыяльнасці «Дызайн», «Выяўленчае мастацтва і кампутарная графіка», «Рамана-германская філалогія (нямецкая)» і «Транспартная лагістыка (аўтамабільны транспарт)».
Высокі конкурс сярод спецыяльнасцяў завочнай платнай формы са скарочаным тэрмінам навучання сфармаваўся на спецыяльнасці "Выяўленчае мастацтва і кампутарная графіка", "Пачатковая адукацыя", "Фізічная культура".
Залічэнне ў лік студэнтаў ГрДУ імя Янкі Купалы для атрымання вышэйшай адукацыі на платнай аснове адбудзецца 11 жніўня.