У Гродзенскім дзяржаўным універсітэце імя Янкі Купалы працягваецца прыём дакументаў на ўсе формы атрымання вышэйшай адукацыі на платнай аснове.

Ужо адбылося залічэнне абітурыентаў па трох сертыфікатах ЦТ на бюджэт, пры гэтым найвышэйшы прахадны бал сфармаваўся па спецыяльнасцях "Лінгвістычнае забеспячэнне міжкультурных камунікацый (міжнародны турызм)", "Міжнароднае права", "Правазнаўства», «Эканамічнае права». Папулярнасцю ў абітурыентаў, якія паступалі па трох сертыфікатах ЦТ на бюджэт, карысталіся і такія спецыяльнасці, як «Рамана-германская філалогія (нямецкая)» і «Кіраванне інфармацыйнымі рэсурсамі».

4 жніўня ў Купалаўскім універсітэце завершацца ўнутраныя ўступныя выпрабаванні. Нагадваем, што з раскладам, вынікамі ўнутраных экзаменаў, а таксама вынікамі залічэння можна азнаёміцца ​​ў асабістым Лічбавым кабінеце абітурыента.

Залічэнне абітурыентаў у лік студэнтаў дзённай і завочнай формаў атрымання вышэйшай адукацыі I ступені па спецыяльнасцях (групах спецыяльнасцей) за кошт сродкаў рэспубліканскага бюджэту па сертыфікатах ЦТ і выніках унутраных уступных выпрабаванняў пройдзе 5 жніўня. Пасяджэнне прыёмнай камісіі па залічэнні абітурыентаў, якія выказалі жаданне навучацца на платнай аснове, адбудзецца ў Купалаўскім універсітэце 11 жніўня.