Па выніках сямі дзён 272 чалавекі падалі дакументы ў прыёмную камісію ўніверсітэта. Самая вялікая колькасць жадаючых стаць студэнтам II ступені вышэйшай адукацыі ГрДУ імя Янкі Купалы - сярод абітурыентаў спецыяльнасцяў «Псіхалогія. Псіхалагічнае кансультаванне і псіхакарэкцыя» і «Юрыспрудэнцыя. Прававое забеспячэнне публічнай улады».

Нагадваем, што ў ГрДУ імя Янкі Купалы арганізавана электронная чарга на сайце abit.by у раздзеле «Магістратура», з дапамогай якой кожны абітурыент можа выбраць час, зручны для асабістага візіту і падачы дакументаў у прыёмную камісію ўніверсітэта.

Уступныя выпрабаванні для абітурыентаў магістратуры пройдуць у адпаведнасці з зацверджаным раскладам 7 і 9 ліпеня, а кансультацыі - 6 і 8 ліпеня адпаведна. Каб скараціць час папярэдняга чакання пачатку ўступнага выпрабавання, для кожнага абітурыента пры рэгістрацыі дакументаў электронная сістэма аўтаматычна вызначыць дату правядзення выпрабавання і канкрэтны час яўкі на экзамен.