На дадзены момант конкурсная сітуацыя ўжо складваецца на спецыяльнасцях бюджэтнай дзённай формы атрымання адукацыі: "Тэорыя і методыка навучання і выхавання. Выяўленчае мастацтва і чарчэнне" факультэта мастацтваў і дызайну - 1,2 чалавекі на месца; "Журналістыка. Медиаменеджмент" і "Тэарэтычная і прыкладная лінгвістыка. Тэорыя мовы" факультэта гісторыі, камунікацыі і турызму - 1,2 чалавекі на месца; "Прыкладная фізіка. Сучасныя метады і апаратура фізічных вымярэнняў" фізіка-тэхнічнага факультэта - 1,2 чалавекі на месца; "Літаратуразнаўства" і "Мовазнаўства" філалагічнага факультэта - 1,1 і 1,4 чалавекі на месца адпаведна. На спецыяльнасцях бюджэтнай завочнай формы атрымання адукацыі конкурсная сітуацыя назіраецца на спецыяльнасцях: "Сусветная эканоміка" факультэта эканомікі і кіравання, "Паліталогія" юрыдычнага факультэта, "Тэорыя і методыка навучання і выхавання. Спецыяльная адукацыя" педагагічнага факультэта - 2 чалавекі на месца.
Сярод жадаючых працягнуць навучанне на II ступені вышэйшай адукацыі ў ГрДУ імя Янкі Купалы - жыхары розных абласцей Рэспублікі Беларусь; учорашнія студэнты і тыя, хто мае шматгадовы вопыт работы па спецыяльнасці; прадстаўнікі розных прафесій і веравызнанняў. У ліку абітурыентаў Купалаўскага ўніверсітэта - Місюн Галіна Казіміраўна, манашка рымска-каталіцкай царквы, якая абрала спецыяльнасць "Псіхалогія. Псіхалагічнае кансультаванне і псіхакарэкцыя".
Нагадаем, што прыём дакументаў у магістратуру ГрДУ імя Янкі Купалы праходзіць з 27 чэрвеня па 5 ліпеня (3 ліпеня - выхадны дзень) з 9.00 да 18.00 па адрасе: вучэбны корпус №1, вул. Ажэшкі, 22, аўд. 211. Кансультацыі перад уступнымі выпрабаваннямі па спецыяльнасцях у адпаведнасці з раскладам адбудуцца 6 ліпеня і 8 ліпеня.