Дацэнт кафедры грамадзянскага права і працэсу Ірэна Юзефаўна Кірвель і старшы выкладчык кафедры грамадзянскага права і працэсу Ірына Мікалаеўна Паляшчук прынялі ўдзел у першым Падляскім семінары «Медыяцыя ў грамадзянскіх і гаспадарчых справах у Еўропе - праблемы і перспектывы».Міжнародная навуковая канферэнцыя была арганізавана юрыдычным факультэтам Універсітэта ў Беластоку сумесна з Цэнтрам арбітражу і медыяцыі ў Падляскім рэгіёне.
На сустрэчы ў дакладах навукоўцаў з Францыі, Вялікабрытаніі, Іспаніі, Польшчы, Літвы і Беларусі падымаліся праблемы прававой рэгламентацыі медыяцыі і перспектывы развіцця дадзенага інстытута.
Ірэна Юзефаўна Кірвель прадставіла навуковы даклад «Медыяцыя у дзейнасці натарыўса», а Ірына Мікалаеўна Паляшчук распавяла аб удасканаленні прававога рэгулявання падстаў дасудовага вырашэння спрэчак як фактару ўплыву на распаўсюд альтэрнатыўных метадаў урэгулявання спрэчак.
У канцы семінара адбылася навуковая дыскусія, на якой удзельнікі абмяняліся вопытам прававога рэгулявання інстытута медыяцыі ў еўрапейскіх краінах.
Па выніках канферэнцыі былі падрыхтаваныя матэрыялы для апублікавання ў Беластоцкім часопісе навуковых даследаванняў у IV квартале 2016 года.
З усімі навінамі юрыдычнага факультэта можна азанёміцца тут.
