Надрукаваць гэтую старонку
Аўторак, 01 Снежань 2015 11:55

Каманда студэнтак ГрДУ імя Янкі Купалы прызнана лепшай на VII дзелавым форуме Invest Weekend

12601 6На базе факультэта эканомікі і кіравання ГрДУ імя Янкі Купалы 28 лістапада 2015 года адбыўся восьмы Invest Weekend, на якім было прадстаўлена 28 праектаў.

Мерапрыемства наведалі прадстаўнікі Гродзенскага абласнога выканаўчага камітэта, дырэктар Беларускага фонду фінансавай падтрымкі прадпрымальнікаў, прадстаўнікі кампаніі «Стартап тэхналогіі», Gem Tehnologies і іншых арганізацый.

«Галоўная задача форуму - не толькі дапамагчы апрабаваць ідэі і знайсці інвестараў, але і навучыць пачынаючых бізнесменаў мінімізаваць свае рызыкі», - адзначыў у прывітальным слове дырэктар Гродзенскай абласной установы фінансавай падтрымкі прадпрымальнікаў Аляксандр Віктаравіч Панамароў.

У гэтым годзе на дзелавым форуме Invest Weekend журы вызначыла дзевяць пераможцаў.

У намінацыі «Лепшая каманда/аўтар» прысудзілі перамогу:

студэнткам 2 курса факультэта гісторыі, камунікацыі і турызму ГрДУ імя Янкі Купалы Кацярыне Маркевіч, Вераніцы Кандрацюк і Аляксандры Стэльмах. Дзяўчыны прадставілі адразу тры праекты: Easy Pregnacy (мабільнае прыкладанне для цяжарных), які зацікавіў прадстаўнікоў кампаніі  Gem Tehnologies, значкі-навігатары для дзяцей і пажылых людзей і праект па арганізацыі хатніх цяпліц;

заснавальнік этнакрамы «Цудоўня» Андрэй Несцяровіч, расказаў пра дзейничаючы бізнэсе - краму на вул. Вялікая Траецкая, 16, у якой прадаюцца вырабы беларускіх рамеснікаў;

Наталлі Апон, Анастасіі Бобрык, Анастасіі Часновай і Аляксею Селязнёву, якія прадставілі праект «Велокофейня».

У намінацыі «Лепшая бізнэс-ідэя» пераможцамі былі прызнаны:

Дзмітрый Крыпеня, яки прэзентаващ дзеючы бізнес - мабільную аўтамыйку, якая працуе каля года па франшызе Fast and Shine;

Пётр Кізік, які прадставіў ідэю па вытворчасці 3D-друкарак: малады чалавек сам сабраў прататып і надрукаваў на ім адну з дэталяў для новай друкаркі;

праект Kindom па арганізацыі ролевых гульняў: правядзенне тэматычных пастановак для дзяцей і дарослых, напрыклад, па сцэнарах казак.

У намінацыі «Лепшая ідэя для горада» адзначылі наступныя праекты:

праект «Эка-справа» навучэнца СШ № 27 г. Гродна. Антона Кирэйчука: школьнік прапанаваў вучыць гараджан падзяляць смецце яшчэ са школьнай лавы;

праект «Зялёная паркоўка» Аляксея Кушнина і Міхаіла Ярмоленка, студэнтаў 5 курса факультэта інавацыйных тэхналогій машынабудавання ГрДУ імя Янкі Купалы: купалаўцы прапанавалі вырабляць спецыяльныя газонныя рашоткі, якія дазваляюць уладкоўваць паркоўкі з зялёнымі насаджэннямі;

праект «Этнакрама “Цудоўня”».

Пераможцы атрымалі граматы і прызы ад ГА «БРСМ», ЦПП «АйТиНимакс» і ТАА «СофтСервис».

Удзельнікі дзелавога форуму наведалі майстар-класы: кіраўнік кампаніі «Стартап тэхналогіі» Аляксей Шаблоўскі паказаў на тыповыя памылкі пачынаючых прадпрымальнікаў; прадстаўнік Таварыства садзейнічання інавацыйнаму бізнэсу Аляксандр Булах распавёў пра тое, як знайсці сваю бізнэс-мадэль; генеральны дырэктар Беларускага фонду фінансавай падтрымкі прадпрымальнікаў Дзмітрый Яўменчык прадставіў інфармацыю аб атрыманні дзяржаўнай падтрымкі і субсідый на прасоўванне бізнесу; топ-менеджэр кампаніі Gem Тэхналогіі Эдуард Віцько (Украіна) правёў трэнінг «Як кіраваць кампаніяй з дапамогай смартфона?».