Акцыя "Памяць" пачнецца роўна апоўначы ў парку імя Жылібера. Прадстаўнікі Гуманітарнага каледжа ГрДУ імя Янкі Купалы падрыхтавалі тэатралізаваную пастаноўку, якая ўзновіць тыя страшныя першыя хвіліны вайны, якая стала найвялікшай трагедыяй у гісторыі чалавецтва. Аднымі з першых прынялі на сябе ўдар воіны 1-й памежнай заставы Гродзенскай пагранічнай групы імя Героя Савецкага Саюза Віктара Міхайлавіча Усава.

Вачыма простых людзей, членаў сем'яў памежнікаў - іх жонак і маленькіх дзяцей - мы ўбачым, як яны змагаліся за права жыць і паміралі за мірную будучыню. Пранікнёныя харэаграфічныя і паэтычныя нумары, жывая музыка, якая будзе гучаць у якасці суправаджэння тэматычных пастановак, нагадаюць гараджанам пра трагічныя падзеі, якія здарыліся 80 гадоў таму.

Ад вечнага агню Памяці вызваліцеляў Гродзеншчыны ў парку імя Жылібера будзе запалена лампада, як сімвал удзячнасці ўсім воінам, які стаў на абарону нашай Радзімы. Яна будзе дастаўлена туды, дзе пачынала кавацца наша Перамога - на пагранічную заставу імя лейтэнанта Віктара Усава. А другой гадзіне ночы там пачнецца мітынг-рэквіем, удзельнікі якога ўспомняць, як памежнікі пад камандаваннем лейтэнанта Віктара Усава 22 чэрвеня 1941 года прынялі свой першы і апошні ў жыцці бой.

Акцыі праводзяцца з мэтай захаваць памяць пра герояў Вялікай Айчыннай вайны, аб подзвігу нашых землякоў, а таксама пра тое, якую цану прыйшлося заплаціць савецкаму народу ў барацьбе за мірнае неба. Мерапрыемствы, прымеркаваныя да 80-й гадавіны пачатку Вялікай Айчыннай вайны, у рэгіёне будуць праходзіць на працягу ўсяго наступнага тыдня. Актыўны ўдзел у іх прымуць супрацоўнікі і студэнты ГрДУ імя Янкі Купалы.