У ходзе сустрэч рэктар Купалаўскага ўніверсітэта выказала падзяку калегам за прадуктыўную працу ў сценах Alma Mater, адзначыла вынікі эфектыўнай работы з замежнымі студэнтамі. Асобна Ірына Фёдараўна выдзеліла галоўную ролю навукі ў дзейнасці ўніверсітэта і нагадала, што адным з асноўных застаецца пытанне прыцягнення да навукова-даследчай дзейнасці студэнцкай моладзі.

Без навукі не можа існаваць факультэт, кафедра, ажыццяўляцца адукацыйны працэс ва ўніверсітэце, таму што навука - гэта тое, што фарміруе імідж вышэйшай навучальнай установы, у тым ліку на міжнароднай арэне.

Размаўляючы з калегамі на факультэце мастацтваў і дызайну, Ірына Кітурка падкрэсліла, што падтрымлівае перспектыўны адукацыйны праект «Навучанне на кітайскай мове», да рэалізацыі якога рыхтуюцца прыступіць на самым творчым факультэце ўніверсітэта ГрДУ імя Янкі Купалы. Таксама ўдзельнікі сустрэчы закранулі пытанне аб неабходнасці пашырэння аўдыторнага фонду. Адзначалі недахоп аўдыторнага фонду і супрацоўнікі юрыдычнага факультэта. Тут, у дыялогу з рэктарам, прафесарска-выкладчыцкі склад факультэта ўздымаў пытанне экспарту сваёй навуковай прадукцыі. Гаварылі і аб крытэрах матэрыяльнага заахвочвання адоранай і таленавітай моладзі Купалаўскага ўніверсітэта. Супрацоўнікі факультэта матэматыкі і інфарматыкі ў ходзе гутаркі ўносілі свае прапановы па стварэнні лічбавых вучэбна-метадычных комплексаў, абмяркоўваліся таксама механізмы фінансавай падтрымкі навуковай дзейнасці супрацоўнікаў, каб стымуляваць іх даследчую актыўнасць.

У рамках адкрытых сустрэч на факультэтах Ірына Кітурка падкрэсліла, што ёй імпануюць неабыякавыя людзі, якія хварэюць за сваю справу і хвалююцца за яго вынікі - менавіта такія працуюць у ГрДУ імя Янкі Купалы:

- Як рэктар я заўсёды гатова падтрымаць любыя вашы прапановы, якія будуць спрыяць далейшаму паспяховаму развіццю кожнага факультэта і ўніверсітэта ў цэлым. Мы паставілі перад сабой сапраўды амбіцыйныя задачы, і толькі разам мы іх зможам выканаць.