Надрукаваць гэтую старонку
Аўторак, 01 Чэрвень 2021 12:18

ГрДУ імя Янкі Купалы прымае ўдзел у XXVII Міжнародным форуме па інфармацыйна-камунікацыйных тэхналогіях «ТИБО-2021»

IMG 5311На выставе ў Мінску Купалаўскі ўніверсітэт прадстаўляе ўласныя інавацыйныя распрацоўкі ў сферы інфармацыйных тэхналогій.

 

На Міжнародным форуме «ТІБО-2021» Гродзенскі дзяржаўны ўніверсітэт імя Янкі Купалы прэзентуе каля дзясятка інавацыйных распрацовак. Сярод іх некалькі электронных сэрвісаў. У прыватнасці, на выставе прадстаўлена лічбавая сістэма ўзаемадзеяння з патэнцыяльнымі абітурыентамі на этапах прафарыентацыі і прыёму ва ўніверсітэт, у тым ліку такі электронны сэрвіс, як «Лічбавы кабінет абітурыента». Акрамя таго, у ГрДУ імя Янкі Купалы створана і паспяхова працуе аўтаматызаваная сістэма кіравання арганізацыяй замежных камандзіровак. Адпаведны электронны сэрвіс для суправаджэння міжнароднай дзейнасці «Акадэмічная мабільнасць» таксама ўвайшоў у экспазіцыю ўніверсітэта на форуме «ТІБО-2021».

Купалаўцы падзеляцца сваім вопытам стварэння аўтаматызаванай сістэмы комплекснага ўліку і аналізу дасягненняў студэнтаў у адукацыйнай, навуковай і выхаваўчай рабоце, прадэманструюць найбольш цікавыя стартап-праекты, створаныя ў Студыі праектаў і стартапаў з прымяненнем інфармацыйных тэхналогій у бізнесе і сферы адукацыі. Акрамя таго, на выставе будуць прадстаўлены сучасныя тэхналогіі апрацоўкі і аналізу інфармацыі, аўтаматызаваныя сістэмы кіравання спектральнымі вымярэннямі, распрацаваныя навукоўцамі ГрДУ імя Янкі Купалы, а таксама адбудзецца прэзентацыя міжнародных праектаў універсітэта, звязаных з развіццём адукацыйных тэхналогій і дыстанцыйнага навучання.

«ТІБО» - гэта ўнікальная пляцоўка для абмену перадавым міжнародным вопытам, што тычацца ўкаранення трэндаў у галіне інфармацыйных тэхналогій у эканоміку, бізнес, навуку, адукацыю і іншыя сферы жыцця грамадства. У XXVII Міжнародным форуме па інфармацыйна-камунікацыйных тэхналогіях «ТІБО-2021», які праходзіць 1 - 4 чэрвеня ў Мінску, прымаюць удзел больш за 140 арганізацый з Беларусі, Азербайджана, Германіі, Казахстана, Кітая, Расіі, Узбекістана і іншых краін.

 

tibo afisha