У рамках акцыі студэнты-купалаўцы наведаюць рэгіёны Гродзеншчыны з літаратурна-мастацкай пастаноўкай, прысвечанай вызваленню Беларусі ад нямецка-фашысцкіх захопнікаў.Літаратурна-мастацкую пастаноўку падрыхтавалі ўдзельнікі студыі эстрадных спеваў «Уні-Song» і студыі гутарковага жанру «Канферанс». З ёй купалаўцы адправяцца ў Лідскі і Ваўкавыскі каледжы 21 мая. Навучэнцы каледжаў і школьнікі рэгіёнаў змогуць пазнаёміцца з ваеннай хронікай вызвалення населеных пунктаў Гродзенскай вобласці, пачуць апавяданні пра ваенны час, убачыць унікальныя фатаграфіі.
Фінал акцыі «Дарогамі перамогі - вызваленне Гродзенскай вобласці» пройдзе 26 мая ў канцэртнай зале Купалаўскага ўніверсітэта (Леніна, 32). Пачатак у 17.30.
Арганізатарам акцыі выступае Гродзенскі дзяржаўны ўніверсітэт імя Янкі Купалы.