У праграме Фестывалю летніх відаў спорту - комплекс фізкультурна-аздараўленчых мерапрыемстваў, футбольны, баскетбольны і валейбольны конкурсы, спартыўная гульня «Боча». У рамках фестывалю запланавана таксама правядзенне азнаямленчых заняткаў па аздараўленчым фітнесе і скандынаўскай хадзьбе. Заняткі па аздараўленчым фітнесе будуць праходзіць у зале ЛФК галоўнага корпуса ўніверсітэта 17 і 19 мая, пачатак у 17.30, а таксама 18 і 20 мая, пачатак заняткаў у 17.15 і 18.15. Азнаямленчы занятак па скандынаўскай хадзьбе адбудзецца 17 мая на стадыёне па вул. Захарава, пачатак у 16.00.

Фестываль летніх відаў спорту праводзіцца з мэтай прыцягнення супрацоўнікаў і студэнтаў Купалаўскага ўніверсітэта да рэгулярных заняткаў фізічнай культурай і спортам, папулярызацыі здаровага ладу жыцця, павышэння якасці і эфектыўнасці працы ў сферы фізкультурна-аздараўленчай дзейнасці. Пераможцы фестывалю будуць названы сярод мужчын і жанчын у чатырох узроставых групах.

Рэгістрацыя ўдзельнікаў фестывалю ажыццяўляецца ў электроннай форме. Спасылка ў хуткім часе будзе даступная ў сетцы Інтранэт ў раздзеле «Аб'явы». Прыняць удзел у Фестывалі летніх відаў спорту могуць усе жадаючыя!