Юбілейная 75-я лёгкаатлетычная эстафета на прызы газеты "Гродзенская праўда" аб'яднала 53 каманды - удзельнікі прадстаўлялі агульнаадукацыйныя і сярэдне-спецыяльныя навучальныя ўстановы, універсітэты, прадпрыемствы і арганізацыі горада. На маршруце спартсмены пераадолелі 14 этапаў, стартаваўшы ад плошчы Тызенгаўза.

Па выніках лёгкаатлетычнай эстафеты сталі вядомыя пераможцы ў шасці намінацыях. Лепшы вынік сярод сярэдне-спецыяльных навучальных устаноў паказаў Гуманітарны каледж нашага ўніверсітэта, «срэбра» у намінацыі атрымаў Тэхналагічны каледж ГрДУ імя Янкі Купалы. А пераможцам эстафеты сярод універсітэтаў стала каманда факультэта фізічнай культуры Купалаўскага ўніверсітэта.

Пераможцам і прызёрам спаборніцтваў ўручылі кубкі, дыпломы і салодкія падарункі.

Па матэрыялах газеты «Гродзенская праўда»