Сярод выпускнікоў - супрацоўнікі ўстаноў адукацыі горада Гродна, вядучых прадпрыемстваў і арганізацый, у тым ліку ААТ «Гроднаазот», РУП «Гроднаэнерга» і некаторых іншых.

Падчас урачыстай цырымоніі ўручэння дыпломаў выпускнікоў вітаў дэкан фізіка-тэхнічнага факультэта Купалаўскага ўніверсітэта Генадзь Гачко. Ён адзначыў высокую якасць магістарскіх работ і пажадаў выпускнікам, каб і ў далейшым яны атрымлівалі такія ж выдатныя адзнакі за прафесійныя дасягненні. Затым з сказанымі на дарогу словамі да выпускнікоў звярнуліся загадчык кафедры агульнай фізікі Аляксандр Маскевіч, загадчык кафедры тэарэтычнай фізікі і цеплатэхнікі Аляксей Іваноў, а таксама загадчык кафедры электратэхнікі і электронікі Андрэй Герман. Павіншавалі учорашніх магістрантаў і выкладчыкі, кіраўнікі навуковых праектаў, пажадаўшы ім захаваць тыя сяброўскія адносіны, якія склаліся ў іх у групе падчас навучання.

Цырымонія завяршылася выкананнем гімна фізіка-тэхнічнага факультэта Гродзенскага дзяржаўнага ўніверсітэта імя Янкі Купалы, традыцыйным фота на памяць і палётам конфедераток.