У рамках акцыі кожны жадаючы можа расказаць пра сваіх сваякоў, якія прымалі ўдзел у Вялікай Айчыннай вайне 1941-1945 гадоў. Падзяліцца сваёй гісторыяй можна на сайце Музея гісторыі развіцця ГрДУ імя Янкі Купалы. Інфармацыю неабходна размясціць у раздзеле «Ветэраны» - «Алея памяці».

Акцыя «Купалаўцы памятаюць ...» рэалізуецца па ініцыятыве першаснай арганізацыі рэспубліканскага грамадскага аб'яднання «Белая Русь», першаснай арганізацыі з правамі раённага камітэта грамадскага аб'яднання «Беларускі рэспубліканскі саюз моладзі» і першаснай арганізацыі рэспубліканскага грамадскага аб'яднання Беларускае Таварыства Чырвонага Крыжа. Акцыя накіравана на ўвекавечанне памяці пра членаў сем'яў работнікаў і навучэнцаў універсітэта, якія прымалі ўдзел у Вялікай Айчыннай вайне.