Вынікі знешняга аўдыту сістэмы менеджменту якасці Купалаўскага ўніверсітэта на адпаведнасць патрабаванням СТБ ISO 9001-2015 у Нацыянальнай сістэме пацвярджэння Рэспублікі Беларусь падвялі 13 красавіка ў on-line рэжыме.Аўдыт ажыццяўлялі супрацоўнікі Беларускага дзяржаўнага інстытута стандартызацыі і сертыфікацыі Надзея Дэйлід і Дзмітрый Кугейка.
У ліку правяраемых службовых асоб - рэктар, прарэктар па вучэбнай рабоце і прарэктар па навуковай рабоце. Група экспертаў-аўдытараў правяла дыстанцыйны аўдыт аддзела менеджменту якасці, інфармацыйна-аналітычнага цэнтра, вучэбна-метадычнага кіравання. Сярод структурных падраздзяленняў, у якіх таксама быў праведзены аўдыт, - факультэт фізічнай культуры, факультэт матэматыкі і інфарматыкі, кафедра фундаментальнай і прыкладной матэматыкі, кафедра беларускай філалогіі, кафедра англійскай філалогіі, факультэт давузаўскай падрыхтоўкі, кафедра сучасных тэхналогій даўніверсітэцкай адукацыі, факультэт псіхалогіі, кафедра агульнай і сацыяльнай псіхалогіі, ваенны факультэт, агульнавайсковая кафедра.
Даведка
У 2010 годзе сістэма менеджменту якасці Гродзенскага дзяржаўнага ўніверсітэта імя Янкі Купалы была сертыфікавана на адпаведнасць патрабаванням нацыянальнага стандарту СТБ ISO 9001-2009 у Нацыянальнай сістэме пацвярджэння адпаведнасці Рэспублікі Беларусь і міжнароднага стандарту DIN EN ISO 9001: 2008 у Нямецкай сістэме акрэдытацыі DAkkS. У сувязі з прызнаннем Нацыянальнай сістэмы акрэдытацыі Рэспублікі Беларусь адпаведнай і эквівалентнай еўрапейскім і міжнародным патрабаванням, у 2019 годзе заяўка на праходжанне сертыфікацыйнага аўдыту на адпаведнасць патрабаванням міжнароднага стандарту DIN EN ISO 9001: 2015 не падавалася.
