Надрукаваць гэтую старонку
Серада, 31 Сакавік 2021 16:00

Супрацоўнікі ГрДУ імя Янкі Купалы ўдастоены ўзнагарод за дасягненні ў прафесійнай дзейнасці

photo 2021 03 31 15 42 54 3Цырымонія ўзнагароджання адбылася ў час пасяджэння Савета ўніверсітэта 31 сакавіка.

Ліста падзякі Прэзідэнта Рэспублікі Беларусь удастоены прарэктар па выхаваўчай працы ГрДУ імя Янкі Купалы, кандыдат фізіка-матэматычных навук, дацэнт Васілій Сянько, а таксама начальнік цэнтра кадравай і прававой работы Купалаўскага ўніверсітэта Галіна Сакомская.

Ганаровай граматай Беларускага рэспубліканскага фонду фундаментальных даследаванняў і памятным знакам «У гонар 90-годдзя Нацыянальнай акадэміі навук Беларусі» за дасягненні ў галіне лазернай фізікі і оптыкі, плённае развіццё міжнароднага навуковага супрацоўніцтва, паспяховае выкананне праектаў Беларускага рэспубліканскага фонду фундаментальных даследаванняў узнагароджаны прафесар кафедры тэарэтычнай фізікі і цеплатэхнікі, доктар фізіка-матэматычных навук, прафесар Славамір Ануфрык.

Ганаровая грамата Гродзенскага дзяржаўнага ўніверсітэта імя Янкі Купалы ўручана начальніку інфармацыйна-аналітычнага цэнтра, кандыдату тэхнічных навук, дацэнту, за шматгадовую плённую працу, высокія дасягненні ў прафесійнай дзейнасці, значны асабісты ўклад у развіццё ўніверсітэта Яўгену Алізаровічу.

Падчас пасяджэння Савета ўніверсітэта рэктар ГрДУ імя Янкі Купалы Ірына Кітурка таксама павіншавала калег з прысваеннем вучоных ступеняў і званняў. Вучоная ступень кандыдата філалагічных навук прысуджана старэйшаму выкладчыку кафедры замежных моў Наталлі Леўчанка, вучоная ступень кандыдата эканамічных навук - старэйшаму выкладчыку кафедры фінансаў і бухгалтарскага ўліку Анастасіі Чыгрыной. Вучонае званне дацэнта па спецыяльнасці «Ваеннае мастацтва і ваеннае будаўніцтва» прысвоена Ігару Нарышкіну.