«Школа важацкага майстэрства» будзе арганізавана ў Купалаўскім універсітэце ўжо пяты раз. Студэнтаў 1-3 курсаў, якія плануюць працаваць у складзе педагагічных атрадаў у дзіцячых аздараўленчых лагерах, пазнаёмяць са спецыфікай педагагічнай дзейнасці ва ўмовах аздараўленчага лагера, нарматыўна-прававым рэгуляваннем выхаваўчага і аздараўленчага працэсаў. Удзельнікам раскажуць аб псіхалогіі паводзін дзяцей, методыцы афармлення атрадных куткоў і культурна-дасугавай дзейнасці. Таксама рабяты даведаюцца, як паклапаціцца пра бяспеку і ахову здароўя дзяцей.

Плануецца, што ў гэтым годзе навучанне з дапамогай дыскусій, індывідуальнай і самастойнай працы пройдзе каля 500 чалавек. Рабяты асвояць тэарэтычныя асновы важацкага майстэрства, якое дапаможа ім у практычнай дзейнасці студэнцкіх атрадаў. Па выніках курсаў удзельнікі атрымаюць даведкі аб навучанні ўстаноўленага ўзору.

Дарэчы, упершыню Школа важацкага майстэрства была арганізавана ў ГрДУ імя Янкі Купалы ў 2016 годзе, яго ўдзельнікамі сталі 57 студэнтаў.