Да ўдзелу запрашаюцца студэнты першай ступені дзённай формы атрымання вышэйшай адукацыі, а таксама навучэнцы каледжаў ГрДУ імя Янкі Купалы, якія маюць высокія дасягненні ў вучэбнай, навукова-даследчай, грамадскай дзейнасці, спартыўным, культурным жыцці і творчасці.

Агульнаўніверсітэцкі конкурс «Студэнт года-2021» пройдзе ў два туры. З 5 красавіка стартуе адбор на факультэтах і ў каледжах універсітэта, які прадугледжвае правядзенне некалькіх конкурсаў - праектаў, відэаролікаў, прамоўніцкага майстэрства. Акрамя таго, удзельнікам будзе прапанавана прадэманстраваць свае таленты ў творчым конкурсе і прэзентаваць сваю «Візітную картку». Пераможцы першага тура будуць названыя не пазней за 3 мая.

Паўфінал адбудзецца ў перыяд з 5 мая па 4 чэрвеня. Фінал пройдзе ў два этапы: завочны этап будзе праведзены да канца верасня, выпрабаванні вочнага этапу адбудуцца не пазней за 22 кастрычніка. Пераможца прадставіць Alma mater на абласным конкурсе «Студэнт года-2021»

.