Сустрэчы рэктара са студэнтамі, якія ўжо паспелі стаць традыцыйнымі ў Купалаўскім універсітэце, стартавалі ў 2021 годзе ў першы дзень вясны - 1 сакавіка. Удзельнікамі адкрытага дыялогу з рэктарам сталі будучыя філолагі.

У пачатку сустрэчы Ірына Кітурка адзначыла, што за паўгода, якія прайшлі з моманту апошніх падобных сустрэч, ва ўніверсітэце адбылося шмат прыемных падзей, і агульная «скарбонка» купалаўцаў папоўнілася новымі дасягненнямі і перамогамі ў розных сферах. Таксама Ірына Фёдараўна падзякавала будучым філолагам за ўклад у стварэнне Стратэгіі развіцця ўніверсітэта на бліжэйшыя пяць гадоў і нагадала, што ў гэтым годзе Гродна стаў рэспубліканскай моладзевай сталіцай - 2021. Яна падкрэсліла, што як для горада, так і для ўніверсітэта, прымаць мерапрыемствы на працягу года вялікая адказнасць:

- Вельмі хочацца, каб усе падзеі на працягу года ў рамках абвешчанай моладзевай сталіцы, прыносілі вам пачуццё задавальнення. Накіроўвайце свае сілы і энергію на стварэнне, - падкрэсліла рэктар і запрасіла студэнтаў да адкрытага дыялогу.

У рамках сустрэчы ад студэнтаў гучалі самыя розныя пытанні і прапановы. Так, цікавіла рабят, ці магчымая распрацоўка мабільнай версіі сайта «Адукацыйны партал» для таго, каб зручна было ім карыстацца з мабільнага тэлефона.

- Калі ў вас, рабяты, ёсць пажаданні для паляпшэння работы адукацыйнага парталу - чаго не хапае, што хацелася б там бачыць, як універсітэт можа ўдасканаліць гэтую платформу - не саромейцеся, калі ласка, прапануйце. А мы са свайго боку прапрацуем гэтае пытанне больш дэталёва.

Адна з тэм у ходзе сустрэчы тычылася магчымасці акадэмічнага абмену студэнтамі паміж універсітэтамі ўнутры краіны. Рабяты адзначылі, што ім было б цікава на нейкі невялікі прамежак часу апынуцца ў сценах іншага ўніверсітэта, знутры зірнуць на адукацыйны працэс, каб параўнаць магчымасці для вучобы, навукі, грамадскай дзейнасці.

У рамках адкрытага дыялогу студэнты таксама пыталіся меркаванне Ірыны Кітурка датычна паступлення і навучання дзяўчат на ваеннай кафедры Купалаўскага ўніверсітэта. Узнімалася таксама пытанне забеспячэння бяспекі асабістых дадзеных купалаўцаў у лічбавым асяроддзі, казалі і аб дапамозе першакурснікам у адаптацыі ў сценах ГрДУ імя Янкі Купалы. Сярод ідэй, якімі студэнты падзяліліся з рэктарам - наведваць з невялікімі візітамі іншыя факультэты: каб, спасцігаючы тонкасці сваёй прафесіі, рабяты маглі даведацца і ўбачыць, чым жывуць, як вучацца і праводзяць час купалаўцы розных спецыяльнасці і факультэтаў сваёй вялікай Alma Mater.

У завяршэнні сустрэчы студэнты падзякавалі рэктару за душэўную гутарку і адкрыты дыялог на роўных, адзначыўшы, што не адчувалі скаванасці, задаючы пытанні. Ірына Фёдараўна таксама выказала рабятам словы шчырай падзякі за мінулую сустрэчу і ўклад у развіццё Alma Mater, за тое, што дзякуючы студэнтам, Купалаўскі ўніверсітэт з кожным днём становіцца лепш.