Першы прарэктар ГрДУ імя Янкі Купалы, член Савета Рэспублікі Нацыянальнага сходу Рэспублікі Беларусь Алег Раманаў прымаў удзел у VI Усебеларускім народным сходзе ў якасці дэлегата, а таксама выступаў з дакладам на другі дзень правядзення форуму. На сустрэчы са студэнтамі Купалаўскага ўніверсітэта ён адзначыў важнасць падзеі, а таксама патлумачыў, чаму Усебеларускі народны сход неабходна разглядаць у якасці органа прамой дэмакратыі. Алег Раманаў распавёў, што сярод выступоўцаў былі прадстаўнікі розных сацыяльных груп, у тым ліку студэнты і маладыя спецыялісты.
- Я адзначыў для сябе шмат цікавых тэзісаў, якімі хацеў бы падзяліцца з вамі, - падкрэсліў Алег Раманаў. - Так, прагучала, што сёння асабліва важна казаць пра развіццё духоўнасці і культуры, пра ролю моладзі ў працэсе забеспячэння інфармацыйнай бяспекі.
Алег Раманаў адзначыў таксама, што ў ходзе форуму былі паднятыя актуальныя пытанні дэмаграфіі, у прыватнасці, ішла размова пра дапамогу з боку дзяржавы сем'ям з дзецьмі і пра папулярызацыю сямейных каштоўнасцяў. Гаварылася і пра рэфармаванне сферы медыцыны, у тым ліку пра павышэнне ступені даступнасці высокатэхналагічнай медыцынскай дапамогі.
- Былі закрануты і пытанні, якія тычацца развіцця сферы адукацыі, - распавёў студэнтам Алег Раманаў. - Прыемна адзначыць, што многія з агучаных прыярытэтаў у нашым універсітэце ўжо рэалізуюцца. Бо вам вядома, што мы ўжо ідзем па шляху пабудовы ўніверсітэта апераджальнага развіцця. У бліжэйшы час плануецца ўзмацніць сувязь адукацыі з патрэбамі вытворчасці. Зрэшты, у Купалаўскім універсітэце даўно зроблена стаўка на практыка-арыентаванаеую адукацыю.
Пытанне павелічэння аб'ёму вытворчай практыкі падчас навучання ва ўніверсітэце асабліва зацікавіла студэнтаў факультэта біялогіі і экалогіі. Яны ўдакладнілі ў першага прарэктара, якім чынам гэта плануецца рэалізаваць. Алег Раманаў адказаў, што ўпор будзе зроблены не толькі на павелічэнне працягласці практыкі, але і на больш мэтавы характар праходжання практыкі, каб студэнт мэтанакіравана асвойваў менавіта тыя кампетэнцыі, якія спатрэбяцца яму на першым працоўным месцы. А ў ідэале - каб ён праходзіў практыку менавіта на тым прадпрыемстве, куды плануе працаўладкоўвацца.
Студэнтаў цікавілі таксама магчымасці паралельнага атрымання другой вышэйшай адукацыі, а таксама пытанні, якія тычацца развіцця Навукова-тэхналагічнага парку ГрДУ імя Янкі Купалы. Пыталіся пра тое, як стаць рэзідэнтам Тэхнапарка і аб індывідуальных планах навучання ва ўніверсітэце для студэнтаў, якія сумяшчаюць вучобу з працай. Першы прарэктар ГрДУ імя Янкі Купалы Алег Раманаў разам з дэканам факультэта біялогіі і экалогіі Аляксандрам Карэўскім пастараліся максімальна поўна адказаць на ўсе пытанні.