Ініцыятарам і навуковым кіраўніком праекта выступіў загадчык кафедры электратэхнікі і электронікі фізіка-тэхнічнага факультэта Андрэй Герман. Тэхнічнае заданне прадугледжвала адаптацыю лазернай крыніцы белага святла для яго ўключэння ў склад эксперыментальнай устаноўкі заказчыка. Устаноўка ўяўляе сабой аўтаматызаваны люмінесцэнтны спектрометр, працы па стварэнні якога былі завершаны ў Акцюбінскім рэгіянальным дзяржаўным універсітэце імя Жубанава ў 2019 годзе пры актыўным удзеле гродзенскіх фізікаў.

Загадчык кафедры электратэхнікі і электронікі фізіка-тэхнічнага факультэта ГрДУ імя Янкі Купалы Андрэй Герман разам з загадчыкам лабараторыі электрафізічных вымярэнняў Артурам Ліцкевічам распрацавалі электронныя прылады, неабходныя для падлучэння крыніцы святла да ўсталёўкі, яго абароны і аўтаматызаванага кіравання, а таксама мадэрнізацыі ўстаноўкі заказчыка.

З 17 па 19 лютага 2020 года Артур Ліцкевіч наведаў Акцюбінскі рэгіянальны дзяржаўны ўніверсітэт імя Жубанава з мэтай уводу ў эксплуатацыю навуковага абсталявання і навучання працы з ім персаналу заказчыка. Падчас візіту ў Казахстан быў выкананы шэраг навуковых эксперыментаў з выкарыстаннем мадэрнізаванага абсталявання, а таксама прайшло абмеркаванне пытанняў далейшага навукова-тэхнічнага супрацоўніцтва паміж універсітэтамі, уключаючы перспектыўныя экспартныя кантракты.

Супрацоўніцтва фізіка-тэхнічнага факультэта ГрДУ імя Янкі Купалы і фізіка-матэматычнага факультэта Акцюбінскага рэгіянальнага дзяржаўнага ўніверсітэта імя Жубанава пачалося ў жніўні 2017 года. За чатыры гады супрацоўніцтва пад кіраўніцтвам Андрэя Германа рэалізаваны пяць экспартных кантрактаў, прыняты ўдзел у падрыхтоўцы чатырох заявак на конкурсы навуковых праектаў, пяці сумесных публікацый і заяўкі на патэнт Рэспублікі Казахстан.