Прыняць удзел у алімпіядзе запрашаюць школьнікаў 9 - 11 класаў і навучэнцаў сярэдне-спецыяльных навучальных устаноў.

Алімпіяда "Медыя і я" ў Купалаўскім універсітэце пройдзе ў 2 этапы. Першы, завочны этап, адбудзецца з 22 па 29 сакавіка. Фінальны вочны этап правядуць на кафедры журналістыкі Купалаўскага ўніверсітэта 10 красавіка.

У рамках першага этапу ўдзельнікам прапануюць выканаць тэст, які вызначыць іх веды ў галіне журналістыкі. Тэст ахоплівае веды па ўсіх тэмах уступнага іспыту "Творчасць" для абітурыентаў, якія плануюць паступаць ва ўніверсітэт на спецыяльнасць "Журналістыка".

Па выніках першага этапу журы абярэ 30 хлопчыкаў і дзяўчынак, якіх запросяць паўдзельнічаць у другім этапе алімпіяды: напісаць сачыненне і падрыхтаваць вуснае выступленне на зададзеную тэму.

Для ўдзелу ў Алімпіядзе неабходна да 19 сакавіка адправіць заяўку на электронную пошту olimpiada.mediaiya_2021@mail.ru. На ўказаны электронны адрас арганізатары вышлюць спасылку для доступу да выканання тэставых заданняў. Кантакты арганізатара алімпіяды - кафедры журналістыкі факультэта гісторыі, камунікацыі і турызму: (152) 73-19-88.