Узнагароды купалаўцам уручыла рэктар ГрДУ імя Янкі Купалы Ірына Кітурка. З прысуджэннем вучонай ступені доктара фізіка-матэматычных навук павіншавалі дацэнта кафедры агульнай фізікі, кандыдата фізіка-матэматычных навук Дзмітрыя Гузатава. Віншаванні з прысуджэннем вучонай ступені кандыдата біялагічных навук прымала старшы выкладчык кафедры біяхіміі Таццяна Ільіч. Таксама Таццяне Віктараўне ўручаны Дыплом лаўрэата конкурсу на лепшую дысертацыю 2020 года ў намінацыі «Прыродазнаўчыя навукі».

З прысуджэннем вучонай ступені кандыдата фізіка-матэматычных навук павіншавалі старэйшага выкладчыка кафедры фундаментальнай і прыкладной матэматыкі Паўла Пацейка, з прысуджэннем вучонай ступені кандыдата педагагічных навук - дацэнта кафедры тэорыі фізічнай культуры і спартыўнай медыцыны Лусінэ Харазян, з прысуджэннем вучонай ступені кандыдата філалагічных навук - загадчыка лабараторыі ( вучэбнай радыёстудый) факультэта гісторыі, камунікацыі і турызму Святлану Хвясько, а з настрыфікацыяй дыплома кандыдата эканамічных навук, выдадзенага Міністэрствам адукацыі і навукі Расійскай Федэрацыі аб прысуджэнні вучонай ступені кандыдата эканамічных навук - намесніка дэкана факультэта эканомікі і кіравання Святлану Крэчка.

З прысваеннем вучонага звання дацэнта па спецыяльнасці «Мастацтва» павіншавалі дацэнта кафедры музычнага мастацтва Уладзіміра Захарава, з прысваеннем вучонага звання дацэнта па спецыяльнасці "Сацыялогія" - вядучага спецыяліста інфармацыйна-аналітычнага цэнтра, кандыдата сацыялагічных навук Юлію Федосову і дацэнта кафедры сацыялогіі і спецыяльных сацыялагічных дысцыплін, кандыдата сацыялагічных навук Аксану Гаўрылік.

За эфектыўную арганізацыю і правядзенне конкурсаў студэнцкіх стартап-праектаў, цыкла навучальных семінараў, а таксама прыцягненне студэнтаў да ўдзелу ў інавацыйнай дзейнасці ўніверсітэта Граматай Гродзенскага дзяржаўнага ўніверсітэта імя Янкі Купалы ўзнагароджаны начальнік Цэнтра трансферу тэхналогій Алена Апякун, дацэнт кафедры сістэмнага праграмавання і камп'ютарнай бяспекі, кандыдат філасофскіх навук Алена Разава, дацэнт кафедры эканомікі і кіравання на прадпрыемстве, кандыдат эканамічных навук Святлана Пратасеня і выкладчык Тэхналагічнага каледжа Кацярына Пчэльнік.

За эфектыўную арганізацыю навукова-даследчай працы студэнтаў і іх публікацыйную актыўнасці Граматай універсітэта ўзнагароджаны загадчык кафедры тэорыі і методыкі спецыяльнай адукацыі, кандыдат педагагічных навук Наталля Крукоўская і дацэнт кафедры машыназнаўства і тэхнічнай эксплуатацыі аўтамабіляў, кандыдат тэхнічных навук Аляксандр Піваварчык, а за эфектыўную арганізацыю работы студэнцкіх навуковых аб'яднанняў - дацэнт кафедры агульнай фізікі, кандыдат фізіка-матэматычных навук Андрэй Лавыш і дацэнт кафедры лагістыкі і метадаў кіравання, кандыдат тэхнічных навук Яўгенія Эйсымонт.

За поспехі і дасягненні ў навукова-даследчай рабоце Граматай ГрДУ імя Янкі Купалы былі ўзнагароджаны і студэнты ўніверсітэта. Гэта студэнтка 4 курса факультэта псіхалогіі Ксенія Абрамовіч, студэнтка 5 курса факультэта інавацыйных тэхналогій машынабудавання Вераніка Варанец, курсант 3 курса ваеннага факультэта Мікіта Касцюшкін, студэнтка 3 курса факультэта эканомікі і кіравання Віялета Квецень, студэнтка 4 курса філалагічнага факультэта Вікторыя Казловіч, студэнтка 4 курса юрыдычнага факультэта Крысціна Малышэц, студэнт 4 курса факультэта фізічнай культуры Арсень Маслакоў, студэнт 1 курса факультэта матэматыкі і інфарматыкі Максім Сербул, студэнтка 4 курса педагагічнага факультэта Наталля Сокал, студэнт 4 курса фізіка-тэхнічнага факультэта Максім Ступакевіч, студэнтка 4 курса факультэта біялогіі і экалогіі Кацярына Тарас, студэнтка 3 курса факультэта мастацтваў і дызайну Яна Янукевіч, студэнтка 3 курса факультэта гісторыі, камунікацыі і турызму Ангеліна Бань і студэнт 3 курса інжынерна-будаўнічага факультэта Уладзіслаў Марчанка.