Энцыклапедыя «Хто ёсць Хто ў Рэспублікі Беларусь» выпускаецца з 1999 года і змяшчае інфармацыю пра людзей, якія ўнеслі значны ўклад у развіццё дзяржавы. Энцыклапедыя пастаянна пашыраецца і абнаўляецца. Новае выданне «Хто ёсць Хто ў Рэспубліцы Беларусь. Адукацыя» выйшла ў свет у канцы 2020 года.

У новы выпуск энцыклапедыі ўнесены імёны супрацоўнікаў Гродзенскага дзяржаўнага ўніверсітэта імя Янкі Купалы. Сярод іх - дацэнт кафедры гісторыі Беларусі, археалогіі і спецыяльных гістарычных дысцыплін Уладзімір Егорычаў. У выданні адзначана, што ён з'яўляецца аўтарам 18 манаграфій, членам Саюза пісьменнікаў Беларусі, лаўрэатам Рэспубліканскай літаратурнай прэміі за кнігу «Праўда і хлусня на старонках гісторыі» (2009), лаўрэатам прэміі Гродзенскага аблвыканкама "Чалавек года Гродзеншчыны" (2012) у грамадска-палітычнай сферы. Уладзімір Егорычаў узнагароджаны медалём Ф. Скарыны ў 2019 годзе.

Размешчана ў энцыклапедыі і біяграфія загадчыка кафедры філасофіі педагагічнага факультэта ГрДУ імя Янкі Купалы, доктара філасофскіх навук, прафесара Чэслава Кірвеля. Згадваецца, што ён быў узнагароджаны медалём Ф. Скарыны ў 2005 годзе і занесены ў Кнігу Славы Гродзенскай вобласці. Чэслаў Кірвель - заслужаны дзеяч навукі Рэспублікі Беларусь, аўтар больш за 300 навуковых прац, лаўрэат прэміі часопіса «Наш сучаснік» у намінацыі «Лепшыя публікацыі года» за артыкул «Рэгіяналізацыя свету і ўсходняе славянства» (2010), лаўрэат III Міжнароднага славянскага літаратурнага форуму «Залаты віцязь» у намінацыі «Публіцыстыка» (2012).

Сярод значных імёнаў у адукацыі Рэспублікі Беларусь - таксама імя загадчыка кафедры ўсеагульнай і славянскай гісторыі Купалаўскага ўніверсітэта, прафесара, доктара гістарычных навук Аляксандра Нечухрына. У энцыклапедыі адзначана, што Аляксандр Нечухрын выступаў кіраўніком 7 дзяржбюджэтных тэм, што фінансуюцца Міністэрствам адукацыі Рэспублікі Беларусь і Беларускім рэспубліканскім фондам фундаментальных даследаванняў, з'яўляецца экспертам адукацыйных стандартаў па гістарычных спецыяльнасцях Рэспублікі Беларусь, членам экспертнага савета ВАК Беларусі па гістарычных навуках. Аляксандр Нечухрын узнагароджаны медалём Ф. Скарыны ў 2016 годзе.

У выданні энцыклапедыі «Хто ёсць Хто ў Рэспубліцы Беларусь. Адукацыя» 2020 года можна таксама знайсці біяграфію загадчыка кафедры педагогікі і сацыяльнай работы ГрДУ імя Янкі Купалы, прафесара, доктара педагагічных навук Віктара Таранцея. У кнізе адзначана, што ён з'яўляецца Выдатнікам адукацыі Рэспублікі Беларусь (2000), узнагароджаны медалём Ф. Скарыны (2016). Віктар Таранцей - член еўрапейскага савета вучоных у галіне міжнароднай адукацыі (Варшава), Міжнароднай рады па параўнальнай педагогіцы краін СНД АПН Расіі, эксперт Фонду фундаментальных даследаванняў НАН Рэспублікі Беларусь, ДКНТ Рэспублікі Беларусь, Міністэрства адукацыі Рэспублікі Беларусь. У Гродзенскай вобласці Віктарам Таранцеям створана навуковая школа па праблеме бесперапыннага педагагічнай адукацыі. Ён з'яўляецца таксама адным з арганізатараў сістэмы працы з адоранымі і здольнымі дзецьмі і навучэнскай моладдзю ў Гродзенскім рэгіёне.

Энцыклапедыя прызначана для кіраўнікоў і менеджэраў, даследчыкаў і гісторыкаў, журналістаў і навучэнцаў, для ўсіх, хто цікавіцца ўукладам асобы ў гісторыю. Кніга распаўсюджваецца праз бібліятэкі, універсітэты, грамадскія арганізацыі, пасольства, інфармацыйныя агенцтвы як у Беларусі, так і за мяжой з мэтай пазнаёміць шырокую грамадскасць з дзелавым і творчым патэнцыялам краіны.