Мітрапаліт Мінскі і Слуцкі Філарэт узначальваў Беларускую Праваслаўную Царкву больш за 30 гадоў, да снежня 2013 года. Пры ім колькасць праваслаўных епархій у краіне ўзрасла з 1 да 10, адбудаваныя сотні храмаў і падпісана Пагадненне аб супрацоўніцтве дзяржавы і царквы. Мітрапаліт Філарэт быў уганараваны званнем Героя Беларусі, а таксама звання Ганаровага Патрыяршага Экзарха ўсяе Беларусі. Званне Ганаровага прафесара Гродзенскага дзяржаўнага ўніверсітэта імя Янкі Купалы Мітрапаліту Філарэту прысвоена ў верасні 2009 года. Тады ён наведаў Купалаўскі ўніверсітэт і выступіў перад студэнтамі і выкладчыкамі, прачытаўшы лекцыю "Аб узросце ў свеце і ў царкве". Падчас лекцыі Мітрапаліт Філарэт падзяліўся сваімі разважаннямі аб тым, як прадстаўнікам розных пакаленняў знайсці агульную мову.

Мітрапаліт Філарэт нарадзіўся ў маскоўскай сям'і служачых. У 1957 годзе скончыў Маскоўскую духоўную семінарыю і паступіў у Маскоўскую духоўную акадэмію, неўзабаве прыняў манаскі пострыг. Пасля заканчэння Маскоўскай духоўнай акадэміі працаваў там выкладчыкам, старшым памочнікам інспектара, інспектарам, узначальваў аспірантуру акадэміі. У 1966 годзе прызначаны рэктарам Маскоўскай духоўнай акадэміі. У 1978 годзе прызначаны Мітрапалітам Мінскім і Беларускім і Патрыяршым Экзархам Заходняй Еўропы. 13 верасня 1989 года стаў Экзархам Беларускім з тытулам Мітрапаліт Мінскі і Гродзенскі, Патрыяршы Экзарх Беларускі. Пасля дасягнення 75-годдзя ўладыка Філарэт выйшаў на пенсію.

Калектыў Купалаўскага ўніверсітэта глыбока смуткуе ў сувязі з адыходам з жыцця паважанага беларускім народам праваслаўнага іерарха, памяць пра якога заўсёды будзе жыць у нашых сэрцах.