Заняткі ў Школе беларускага філолага будуць праходзіць бясплатна два разы на месяц па суботах з 10.00 да 13.00 у навучальным корпусе ГрДУ імя Янкі Купалы па вул. Леніна, 32. Прадугледжана і дыстанцыйная форма правядзення заняткаў. Тэрмін навучання - з 5 снежня 2020 года па 29 мая 2021 года. Арганізатарам выступае кафедра беларускай філалогіі Гродзенскага дзяржаўнага ўніверсітэта імя Янкі Купалы.

Для паступлення ў Школу беларускага філолага вучням неабходна да 1 снежня запоўніць заяўку з указаннем асноўнай інфармацыі пра сябе. Заяўкі прымаюцца па адрасе электроннай пошты nshandroha@yandex.by. План работы Школы беларускага філолага можна знайсці на сайце філалагічнага факультэта ГрДУ імя Янкі Купалы.

Падчас навучання ў Школе беларускага філолага адзінаццацікласнікі змогуць удасканаліць свае моўныя, літаратурныя і культурныя кампетэнцыі, а таксама падрыхтавацца да ўступных іспытаў па спецыяльнасці. У канцы навучальнага года рабятам, рэгулярна якія наведвалі заняткі і паспяхова засвоілі курс, будзе выдадзены сертыфікат аб заканчэнні Школы беларускага філолага.