Школа пачне працу ва ўніверсітэце 21 лістапада. Падрыхтоўку дзяцей на працягу 25 тыдняў будуць ажыццяўляць выкладчыкі кафедры журналістыкі ГрДУ імя Янкі Купалы.

Як распавяла загадчык кафедры Іна Мінчук, у гэтым годзе заняткі ў студыі будуць праходзіць кожную суботу ў онлайн і афлайн-фармаце, каб да іх маглі далучыцца рабяты з усіх гарадоў Беларусі:

- Мы ўлічылі пажаданні абітурыентаў і ў гэтым годзе будзем сумяшчаць працу на адной з інтэрнэт-платформаў з заняткамі ў універсітэце. Вопыт арганізацыі навучання з выкарыстаннем інфармацыйна-камунікацыйных тэхналогій паказвае, што па эфектыўнасці онлайн-заняткі не саступаюць аўдыторным.

Адзначым, што пры паступленні на спецыяльнасць "Журналістыка" абітурыентам неабходна падаць атэстат і два сертыфікаты цэнтралізаванага тэсціравання (рускую або беларускую мову, гісторыя Беларусі), а таксама вытрымаць уступныя іспыты «Творчасць». А яны штогод праходзяць у два этапы: на першым абітурыенты пішуць сачыненне-эсэ, на другім праходзяць субяседванне. Падчас заняткаў у студыі юнага журналіста "Медыя-STARt" хлопчыкі і дзяўчынкі змогуць падрыхтавацца да напісання эсэ, навучацца спраўляцца з хваляваннем падчас субяседвання, пашыраць кругагляд, даведаюцца больш пра гісторыю і сучаснасць традыцыйных і новых медыя, акунуцца ў атмасферу студэнцтва.

Запісацца на падрыхтоўчыя трэнінгі можна па тэлефонах: +375 (29) 584 55 84 (MTS, Telegram) +375 (44) 584 45 84 (А1, Viber). Кантактная асоба - Святлана Гендрыкаўна Хвясько.