У пачатку мерапрыемства перад удзельнікамі выступіў прарэктар па выхаваўчай працы Васілій Сянько. Ён адзначыў, што місія старасты сёння - быць сувязным звяном паміж дэканатам факультэтаў, кафедраў, іншымі структурнымі падраздзяленнямі ўніверсітэта і студэнтамі груп, і ад іх сістэмнай і адказнай працы залежыць паспяховае ўзаемадзеянне з кожным студэнтам-купалаўцам.

У ходзе сустрэчы старасты навучальных груп першага курса абмеркавалі план работы на бягучы навучальны год і пагаварылі аб Структуры Савета стараст універсітэта. Таксама начальнік Цэнтра кадравай і прававой работы Галіна Сакомская распавяла рабятам пра юрыдычныя аспекты дзейнасці стараст вучэбных груп, а начальнік аддзела культурна-масавай і дасугавай дзейнасці УВРсМ Алена Стэльмах і інструктар-метадыст па фізкультурна-аздараўленчай і спартыўна-масавай рабоце Спартыўнага клуба Марына Ясене - пра ролі старасты ў арганізацыі пазанавучальнай дзейнасці студэнтаў.

У завяршэнні навучальнага семінара ўдзельнікі падзяліліся на дзве групы, каб наведаць майстар-клас па аратарскім майстэрстве і трэнінг па развіцці лідарскіх якасцяў і навыках паспяховай камунікацыі.