Ірына Кітурка ў чарговы раз заклікала студэнтаў больш актыўна ўключацца ў генерацыю новых ідэй, сумесна з выкладчыкамі прапаноўваць і рэалізоўваць інавацыйныя праекты. Рэктар нагадала пра тыя магчымасці, якія сёння дае ўніверсітэт кожнаму студэнту для самарэалізацыі.

- На працягу трох гадоў у нас дзейнічае ўніверсітэцкі Фонд падтрымкі адоранай і таленавітай моладзі, - адзначыла Ірына Кітурка. - У прыватнасці, з гэтага Фонду мы фінансуем паездкі нашых студэнтаў на алімпіяды, канферэнцыі, спартыўныя мерапрыемствы. Акрамя таго, два гады таму мы стварылі Фонд інавацыйнага развіцця ўніверсітэта. Дарэчы, супрацоўнікі фізіка-тэхнічнага факультэта ўжо атрымалі фінансаванне з дадзенага Фонду, а вось заявак ад студэнтаў вашага факультэта пакуль не было. Важна, каб вы ведалі, што мы чакаем ад вас ідэй, і ўніверсітэт гатовы дапамагчы фінансава ў іх рэалізацыі.

Падчас дыялогу рэктара са студэнтамі не раз гучалі пытанні павышэння якасці адукацыйнага працэсу. Прадстаўнікі студэнцкага актыву звярнуліся да рэктара з просьбай узмацніць практычны складнік навучальнага працэсу, а таксама палепшыць матэрыяльна-тэхнічную базу факультэта.

- Пытанне аб арганізацыі адукацыйнага працэсу на факультэце вельмі важны, - падкрэсліла рэктар універсітэта. - У дадзены момант фізіка-тэхнічны факультэт раззасяроджаны ў чатырох навучальных карпусах. Мы разглядаем магчымасць паляпшэння ўмоў і размяшчэнне факультэта ў адным корпусе. Ужо вядома, што ён будзе знаходзіцца па адрасе: вул. Паповіча, 50. Плануем там стварыць Цэнтр тэхнічнай адукацыі, абсталяваць найноўшыя лабараторыі. Але не варта забываць аб Навукова-тэхналагічным парку, для якога закуплена добрае абсталяванне, і ёсць усё неабходнае для арганізацыі паўнавартаснай практыкі для студэнтаў фізіка-тэхнічнага факультэта. Студэнтаў цікавілі таксама пытанні, якія тычацца дзейнасці студэнцкага канструктарскага бюро, аказання матэрыяльнай дапамогі і іншай фінансавай падтрымкі студэнтам.

Падчас сустрэчы рабяты выступілі з ініцыятывай аб'яднаць студэнтаў розных спецыяльнасцяў і факультэтаў універсітэта для рэалізацыі сумесных праектаў. У адказ рэктар нагадала, што ў Купалаўскім універсітэце на працягу апошніх некалькіх гадоў паспяхова абаронены 27 міждысцыплінарных праектаў.

- Тое, пра што вы кажаце, якія пытанні падымаеце, - гэта вельмі важна, - рэзюмавала Ірына Кітурка, звяртаючыся да студэнтаў. - Вы дапамагаеце нам дакладней вызначыць, у якім кірунку неабходна рухацца для паспяховага развіцця ўніверсітэта. Прапаную вам да канца верасня структураваць вашы прапановы, магчыма, аформіць іх у пісьмовым выглядзе, а затым сустрэцца і абмеркаваць, якія пэўныя дзеянні могуць быць зроблены ў бліжэйшы час, каб палепшыць дзейнасць вашага факультэта.

У бліжэйшы час на кожным факультэце ГрДУ імя Янкі Купалы пройдуць падобныя сустрэчы рэктара са студэнцкім актывам. Вынікі будуць прааналізаваны, а ідэі і прапановы студэнтаў улічаныя пры распрацоўцы Стратэгіі развіцця ўніверсітэта на 2021-2025 гады.