У семінары прымуць удзел прадстаўнікі факультэтаў, каледжаў і структурных падраздзяленняў ГрДУ імя Янкі Купалы. Удзельнікі абмяркуюць такія тэмы, як «Тэхналогіі "каляровых рэвалюцый" і віртуальную прастору», «Сацыяльныя тэмы ў камунікацыйнай палітыцы факультэта», «Тэкст для карпаратыўнага сайта факультэта: жанравая і стылістычная спецыфіка», «Прынцыпы адаптацыі тэксту для факультэцкіх акаўнтаў у сацыяльных сетках», «Чат у Viber і Telegram як пляцоўка камунікацыі са студэнтамі і абітурыентамі: правілы этыкету і асабістай бяспекі».

У рамках семінара пройдзе таксама практыкум па вядзенні онлайн-супольнасці ў сацыяльных сетках, у час якога ўдзельнікі даведаюцца аб правілах рэдагавання тэксту для акаўнтаў факультэта ў мессенджер Telegram і сацыяльнай сетцы Instagram.

Сярод спікераў семінара - прарэктар па выхаваўчай працы Васілій Сянько, намеснік начальніка цэнтра - начальнік аддзела электронных камунікацый Цэнтра па сувязях з грамадскасцю Аляксандр Ёда, дацэнты кафедры журналістыкі Ірына Герасімчык і Анастасія Зязюлевіч, загадчык кафедры журналістыкі Іна Мінчук. Кансультантамі практыкумаў па вядзенні онлайн-супольнасці ў сацыяльных сетках выступяць выкладчык кафедры журналістыкі Кацярына Касцюшка і лабарант радыёстудыі ВНВА «Студэнцкі медыяцэнтр» Анастасія Паўлава.