Міжнародная спецыялізаваная выстава "Высокія тэхналогіі. Інавацыі. Інвестыцыі" (HI-TECH) праводзіцца з 1996 года і з'яўляецца ключавым мерапрыемствам у Расійскай Федэрацыі ў галіне прасоўвання высокіх тэхналогій, інавацый і інвестыцыйных праектаў у навукова-прамысловай сферы. У верасні гэтага года выстава праходзіла ў Санкт-Пецярбургу.

Па выніках конкурсу "Лепшы інавацыйны праект і лепшая навукова-тэхнічная распрацоўка года", арганізаванага ў рамках Міжнароднай спецыялізаванай выставы, распрацоўка Купалаўскага ўніверсітэта «Гібрыдныя тэхналогіі стварэння асабліва цвёрдых і звышцвёрдых нанакампазіцыйных вакуумных пакрыццяў» была адзначана Спецыяльным прызам. Узнагароду купалаўцы атрымалі ў намінацыі "Найлепшы інавацыйны праект (распрацоўка) у вобласці: нанатэхналогіі, нанаматэрыялы, нанасістэмы, нанапрылады, нанаэлектроніка, нанафатоніка, спінтроніка, біёніка, нанакамп'ютары, наналекі».

Значнасць распрацаванай у ГрДУ імя Янкі Купалы тэхналогіі заключаецца ў тым, што яе прымяненне дазволіць пашырыць асартымент выпускаемага інструмента і тэхналагічнага абсталявання, якія адрозніваюцца высокімі эксплуатацыйнымі характарыстыкамі за кошт прымянення нанакампазіцыйных звышцвёрдых пакрыццяў.