Гэта каманды ГрДУ імя Янкі Купалы, Беларускага дзяржаўнага ўніверсітэта, Беларускага нацыянальнага тэхнічнага ўніверсітэта, Беларускага дзяржаўнага ўніверсітэта транспарту, Беларускага дзяржаўнага ўніверсітэта інфарматыкі і радыёэлектронікі, Беларускай дзяржаўнай акадэміі авіяцыі і каманда ваенна-медыцынскага факультэта Беларускага дзяржаўнага медыцынскага ўніверсітэта. У кожнай з іх па 6 удзельнікаў, у ліку якіх не толькі курсанты, але і выкладчыкі ваенных факультэтаў.
Чэмпіянат праходзіць на працягу двух дзён, 24 і 25 верасня. Сёння на страявым плацы ваеннага факультэта ГрДУ імя Янкі Купалы адбылося ўрачыстае адкрыццё мерапрыемства, у час якога старэйшы афіцэр I аддзела Спартыўнага камітэта Узброеных сіл Рэспублікі Беларусь падпалкоўнік Вячаслаў Пятрашка пажадаў удзельнікам поспехаў і выдатных вынікаў. Затым каманды адправіліся на палігон 6-ай асобнай гвардзейскай механізаванай брыгады для ўдзелу ў спаборніцтвах, якія прадугледжваюць адпрацоўку ваенна-прыкладных навыкаў у такіх дысцыплінах як класічныя практыкаванні па стральбе з АК-3 і ПМ-3, а таксама практычнай стральбе з гэтых відаў зброі.
Спаборніцтвы з'яўляюцца штогадовымі і праходзяць у рамках спартакіяды ваенных факультэтаў устаноў вышэйшай адукацыі нашай краіны, дзе каманда курсантаў ГрДУ імя Янкі Купалы традыцыйна ў ліку лепшых. Так, па выніках Чэмпіянату мінулага года ў практыкаваннях па стральбе з АК-3 хлопцы заваявалі другое прызавое месца.
Як зазначыў адзін з пераможцаў Чэмпіянату мінулых гадоў, курсант ваенна-тэхнічнага факультэта БНТУ радавы Арцём Атвалка, дадзеныя спаборніцтвы дапамагаюць не толькі праверыць практычна навыкі ў стральбе са штатнай зброі, але таксама трэніруюць такія неабходныя для ваеннага маральныя якасці як канцэнтрацыя, ураўнаважанасць і вытрымка.
Лепшыя спартсмены па выніках спаборніцтваў прадставяць ваенныя факультэты устаноў вышэйшай адукацыі на Чэмпіянаце Узброеных Сіл Рэспублікі Беларусь.