Надрукаваць гэтую старонку
Пятніца, 25 Верасень 2020 09:04

Рэктар Купалаўскага ўніверсітэта Ірына Кітурка сустрэлася з будучымі юрыстамі, мытнікамі, біёлагамі і эколагамі

IMG 7582Чарговая сустрэча рэктара са студэнцкім актывам прайшла 24 верасня ў навучальным корпусе на Даватара.

Зносіны рэктара са студэнтамі пачаліся яшчэ ў двары навучальнага корпуса, дзе ў гэты час праходзіла традыцыйная студэнцкая дабрачынная выстава-кірмаш «Беларусь хлебасольная».

Усім жадаючым прапаноўвалі прадэгуставаць і купіць прыгатаваныя студэнтамі стравы нацыянальнай беларускай кухні. Сабраныя сродкі арганізатары кірмашу плануюць выдаткаваць на выкананне жаданняў выхаванцаў Васілішкаўскага дома-інтэрната для дзяцей-інвалідаў з асаблівасцямі псіха-фізічнага развіцця.

Ірына Кітурка паспрабавала прыгатаваныя студэнтамі стравы і падзякавала рабятам за іх ініцыятыўнасць і імкненне падтрымліваць тых, каму сапраўды неабходная дапамога.

- Дзякуй вам за тое, што вы робіце добрую справу, - звярнулася да ўдзельнікаў кірмашу Ірына Кітурка.

Сустрэчу ў аўдыторыі рэктар пачала з прапановы, адрасаванай ўсім студэнтам - прыняць актыўны ўдзел у фарміраванні новай Стратэгіі развіцця Купалаўскага ўніверсітэта на 2021 - 2025 гады.

- Мяне як рэктара цікавіць адказ на пытанне: якім вы, студэнты, бачыце наш родны ўніверсітэт праз пяць гадоў? Я разумею, што да таго часу вы ўжо скончыце яго, атрымаеце прафесію, але вы назаўсёды застанецеся купалаўцаамі, выпускнікамі Гродзенскага дзяржаўнага ўніверсітэта імя Янкі Купалы. Магчыма, хто-небудзь з вас застанецца тут працаваць у якасці маладога спецыяліста. Таму я ўпэўненая, што мы павінны разам думаць пра будучыню нашага ўніверсітэта, ставіць новыя мэты і дасягаць іх. Толькі наша агульная зацікаўленасць дапаможа вывесці якасць адукацыі ва ўніверсітэце на яшчэ больш высокі ўзровень, - сказала Ірына Кітурка.

Рэктар агучыла, што 10 кастрычніка яна хацела б сустрэцца з прадстаўнікамі ад кожнага факультэта, каб абмеркаваць іх прапановы і разам абмеркаваць прапанаваныя студэнтамі напрамкі развіцця Купалаўскага ўніверсітэта на бліжэйшыя гады.

Ірына Кітурка распавяла таксама пра магчымасці, якія ўжо сёння прапануе ГрДУ імя Янкі Купалы. Студэнты, у сваю чаргу, пыталіся, як працуе ўніверсітэцкі Фонд падтрымкі адоранай і таленавітай моладзі, і ў якім накірунку рухацца, каб атрымаць фінансавую падтрымку сваіх ідэй і праектаў.

Цікавілі студэнтаў таксама пытанні змяненняў у навучальным працэсе ў сувязі з эпідэміялагічнай сітуацыяй. Ірына Кітурка адказала, што пакуль яны не плануюцца, але, калі будзе неабходна, ва ўніверсітэце змогуць хутка арганізаваць заняткі з выкарыстаннем інфармацыйна-камунікацыйных тэхналогій.

У час сустрэчы са студэнтамі падымаліся таксама пытанні, якія тычацца адаптацыі першакурснікаў і важнасці правядзення прафарыентацыйнай працы з будучымі абітурыентамі. Студэнты выступілі з прапановай актывізаваць працу з вучнямі старэйшых класаў школ. Рэктар падтрымала прапанову, зрабіўшы акцэнт на тым, што вельмі важна, каб са школьнікамі часцей мелі зносіны студэнты і дзяліліся сваімі ўражаннямі ад вучобы ў Купалаўскім універсітэце.

Падводзячы вынік, Ірына Кітурка адзначыла, што дыялог атрымаўся адкрытым, былі закрануты важныя пытанні, якія тычацца не толькі арганізацыі навучальнага працэсу, але і стварэння псіхалагічна камфортнай абстаноўкі ў сценах універсітэта.

На наступным тыдні сустрэчы рэктара са студэнтамі працягнецца на іншых факультэтах ГрДУ імя Янкі Купалы. Палова з запланаваных на верасень і кастрычнік сустрэч ужо адбылася.