4 і 5 жніўня паспяхова прайшлі выпрабаванні абітурыенты новай спецыяльнасці "Спартыўна-педагагічная дзейнасць (трэнерская праца)" факультэта фізічнай культуры. На 25 бюджэтных і 5 платных месцаў прэтэндавалі 32 абітурыента: з іх 18 лёгкаатлетаў і 14 адзінаборцаў (7 па вольнай барацьбе, 6 па грэка-рымскай барацьбе і 1 па дзюдо).

Скончылі праходзіць уступныя іспыты абітурыенты спецыяльнасцяў «Беларуская філалогія», «Руская філалогія», «Музычнае мастацтва і сусветная мастацкая культура», «Народная творчасць (інструментальная музыка)», «Журналістыка», «Фінансы і крэдыт», «Бухгалтарскі ўлік, аналіз і аўдыт» і «Інфармацыйна-вымяральная тэхніка».

Адзначым, што ў 2020 годзе ў ГрДУ імя Янкі Купалы ўпершыню адкрыта падрыхтоўка студэнтаў у дыстанцыйнай форме па чатырох спецыяльнасцях са скарочаным хуткім навучанні: «Транспартная лагістыка (аўтамабільны транспарт)», «Турызм і гасціннасць», «Дашкольная адукацыя» і «Пачатковая адукацыя». Абітурыенты, якія паступаюць на гэтыя спецыяльнасці, працягваюць праходзіць уступныя выпрабаванні.

З вынікамі ўступных выпрабаванняў, якія будуць доўжыцца да 7 жніўня ўключна, кожны абітурыент можа азнаёміцца ў сваім Лічбавым кабінеце абітурыента.

Залічэнне абітурыентаў у лік студэнтаў вочнай (дзённай) і завочнай форм атрымання вышэйшай адукацыі I ступені па спецыяльнасцях (групах спецыяльнасцей) за кошт сродкаў рэспубліканскага бюджэту па выніках уступных выпрабаванняў пройдзе 10 жніўня.

Нагадваем, што ў абітурыентаў яшчэ ёсць магчымасць стаць студэнтамі Гродзенскага дзяржаўнага ўніверсітэта імя Янкі Купалы: да 15 жніўня ўключна працягваецца прыём дакументаў на платную форму навучання.