У Вялікую Айчынную вайну Аляксей Сільвановіч быў у партызанскім атрадзе, потым у складзе войскаў I-га Беларускага фронту. Узнагароджаны ордэнам Чырвонай Зоркі.

У 1951 годзе скончыў механіка-матэматычны факультэт БДУ імя У. І. Леніна. З 1955 па 1963 год Аляксей Паўлавіч Сільвановіч быў старшым выкладчыкам кафедры вышэйшай матэматыкі нашай ВНУ, у 1963 - 1964 гадах - прарэктарам па вучэбнай і навуковай працы.

З ўзнагароднага ліста:

«Гвардыі малодшы сяржант тав. Сільвановіч Аляксей Паўлавіч у наступальным баі 29 студзеня 1945 года пад вышыню ў раёне вёскі Лібух знаходзіўся ў першых шэрагах і агнём са свайго кулямёта расчышчаў шлях пяхоце, пры гэтым знішчыў агнявую кропку суперніка. 1 лютага 1945 года падчас контратакі праціўніка першым выявіў немцаў,  якія ішлі ланцугом, падпусціў іх на блізкую адлегласць і тады адкрыў кулямётны агонь, зьнішчыў да 9 салдат і афіцэраў праціўніка.

6 лютага 1945 года».

З кнігі «Вялікая Айчынная вайна ў лёсах супрацоўнікаў Купалаўскага ўніверсітэта», аўтар-складальнік - Андрэй Гецэвіч.